未做過女主角：最緊要有發揮

【蘋果日報】吳浣儀從影多年，卻從未做過女主角，而且很早就飾演媽咪角色，34歲時已在《孖仔孖心肝》做劉青雲及周星馳媽媽。浣儀姐卻看得開：「我個樣生得成熟，唔介意，有得我做就得。以前星仔話『你大我8年，點做我阿媽呀？』，我話『是但啦，我一路都做人阿媽㗎啦！』其實星仔仲大過青雲兩年，咪又係做青雲細佬。」
只求「有戲做」的浣儀姐，15年她憑《五個小孩的校長》嫻姨一角，入圍金像獎最佳女配角；今年她再拍網劇《蝕日風暴》，在劇中時而正常時而發儍，引導張智霖查案，十分搶戲。浣儀姐謙虛地說：「我仲係好鍾意演戲，後生真係為搵食，依家仔女都大，我就可以選擇，一、兩日戲都唔緊要，最重要有得發揮。」