發哥照顧家人周到　玲姐無言感激

【蘋果日報】周潤發（發哥）胞姊周聰玲（玲姐）日前接受港台《舊日的足跡》節目主持車淑梅的訪問，分享和發哥之間的姊弟情。玲姐讚發哥是一位照顧家人、人品好、性格隨和的好男人，她說：「南丫島呢啲窮鄉僻壤出咗個國際巨星，我當然好開心，佢光宗耀祖。」
「一種福氣」
玲姐續說：「能衝出香港發展都係佢個人嘅努力，能夠去到荷李活，數埋香港冇幾多人。佢全世界嘅獎項都有，錢又有，今時今日仲攞埋四個字『反璞歸真』，要生活簡單並唔簡單，平凡中見不平凡，呢啲叫做超然、逍遙自在，佢昇華到活出咗般若智慧。」
發哥重親情，照顧家人無微不至，更助玲姐置安樂窩，玲姐自言有句心底話很想對弟弟說：「我想講無言感激，一個親人照顧得自己咁好係一種福氣，好感恩。每個星期屋企人都會出嚟食飯、飲茶，都係由佢召集兼埋單。對於佢人生中遇到嘅唔如意事，我唔會出聲，甚至唔會打電話畀佢，因為佢身邊有好多顧問、精英、高人，我畀佢安靜已經足夠。」
二人年紀相差八載，但依然投契，玲姐指發哥愛說笑話，有次聽到她採用了《Happy Birthday》作電話鈴聲，發哥即對她說：「你唔好再用，因為有啲場合唔方便，有人喺靈堂三鞠躬，電話突然唱生日歌，實俾人炳。」
贊成捐身家
對於發哥打算過身後將身家全數捐出，玲姐亦甚表贊同，她認為能夠做善事，令更多人受惠是福報，正如諾貝爾一樣，這種博愛精神是永垂不朽，她說：「有錢要回饋社會，一個人叻有乜用，世界係應該共融。我今年71歲，媽媽都已經97歲，我再冇乜特別追求，因為精英向前衝，耆英退一步海闊天空，我只希望能日日好時光，快樂又健康。」
撰文：葉晴
長青網 - 一站式長者及護老者生活資訊網站