新聞類別
副刊
港聞
詳情#
【蘋果日報】以為是創業故事，原來是一個香港居住困局的故事，也是一家人甘苦與共的故事。「我哋係香港基層住屋發展史嘅代表」。蝸居非法工廈劏房、住過山上鐵皮屋，年初以夾心低收入家庭身份，遷進「光屋」，翁國昌自言一家三口，總算安頓下來。「倒在路邊嘅木頭，其實好似我……」風吹雨打倒下來，仍有頑強生命力，就如他，由長駐印度扶貧，到崩潰賣樓跌落貧窮線下，那顆助人的心仍在跳動。沒資本，就全家總動員開拓「無本生意」，以塌樹殘枝為原材料，把旁人眼中的垃圾變成有用器具寄賣；又拉攏庇護工場合作，透過申請基金推動共享手杖計劃，教殘疾人士香港製造。男人四十，為塌樹也為自己，尋找不一樣的第二人生。
記者：呂麗嬋
攝影：何家達
「山竹之後，滿街塌樹，先多咗市民留意，香港原來有咁嘅資源」。今年風災過後，環保署順應民意，在啟德地盤增設臨時堆樹區，翁國昌和太太林少華，這天大清早就由深井遠道而來尋寶，希望可找到一些適合做行山杖的材料。巴士駁巴士，落車後還得徒步半小時，路途遙遠又得預約登記，但足有四個足球場大小的「樹塚」，「取樹區」卻只有四分一個籃球場大小。看着眼前又霉又發黑的樹幹，倆口子一臉無奈：「之前落過雨變成咁，拎返去都冇用。」白行一趟，翁國昌沒氣餒：「希望可將公眾取樹區恒常化，政府都有定期修樹，樹枝樹幹除咗堆填，畀市民多個選擇。」
「嗰時住工廈仲未好興，我哋係先驅，但不幸的是，租住嗰度左面係間山寨樓上卡拉OK，另一邊就長期油炸豬大腸。」
環保共享，諗到單車，仲諗到「死硬」，翁國昌想到「共享行山杖」這主意。他笑言自己不是富二代，只勝在「沒錢可蝕」。「都係升斗香港人，冇屋企可以靠，就做能力所及的事」。習慣靠自己，只是正職做老人院外展保健員的他，萬多元的收入，兒子尚小，要養活一家三口不容易。「之前辭職考護士，都係希望人工高啲，改善生活」。可惜破釜沉舟的結果，不似預期。「如果冇我太太，我諗我唔會坐喺呢度，已放棄咗自己……」與導師不咬弦，壓力太大精神崩潰，急急退學，護士做不成，生活未改善，還急速向下流。
「那一年半，係我哋屋企最黑暗的時間。」一直陪伴丈夫受訪的林少華說。2009年兒子出生，變賣屯門300呎小單位，先後租住工廈劏房和鐵皮屋。「我哋根本就係香港基層住屋發展史嘅代表！」她打趣謂。不過，也難怪林少華這樣說，倆口子是第一代蝸居工廈的家庭。「嗰時住工廈仲未好興，我哋係先驅，但不幸的是，租住嗰度左面係間山寨樓上卡拉OK，另一邊就長期油炸豬大腸」。耳鼻受罪，除了磨滅感官，也磨滅意志，非人生活，過了超過一年。
「下定決心要搬，係個仔要讀書，唔想報工廈地址。」林說。於是，一家三口又由工廈，搬到山上的鐵皮屋。「打風屋頂會漏水，喺屋企無啦啦會見到蛇」。每天營營役役，為柴米油鹽奔波，直至重遇當年曾致電求助的社工，轉介翁國昌一家入住光屋，人生才出現一點光。「佢嚟家訪，見到環境好差，鼓勵我哋申請入住」。位於深井、由閒置前紗廠宿舍改建的「光屋」，是全港首幢社會房屋，由社企「要有光」活化後，廉租有住屋困難的基層家庭，共提供45個開放式單位，租住年期上限為三年。
「好現實，居有定所，你先識得發吓夢。」翁國昌苦笑。根據負擔能力議定租金，每月上門收租的「包租公」，還會溫馨問候近況。就如這天休假，記者跟隨翁國昌到路口等他兒子的校車，兩父子手拖手散步回家，剛好遇上美麗夕陽。「也忘了多久沒看日落……」趁太太煮晚飯，他把握時間到工場剝樹皮，先用支架固定樹幹，去皮拆骨再打磨風乾，秋天微涼，沒一陣，滿頭大汗。翁說倆口子在尼泊爾相識，那些年隨教會到當地做義工，住進民居，和當地人一起生活，自覺捱得，但孩子出生，想法有點不同。
「喺貧窮線下生活，人哋冇開口質疑你，都會自己質疑自己……後來諗通咗，幫人唔一定錢行先，方法先最重要。」
「總係希望可以畀到好啲嘅生活佢」。一直安貧樂道，偏偏過去10年，就如坐上過山車，信心盡失，他直言要行出一步，也需勇氣。「喺貧窮線下生活，人哋冇開口質疑你，都會自己質疑自己……後來諗通咗，幫人唔一定錢行先，方法先最重要」。摸着石頭過河，他直言勝在「冇嘢可以輸」，自覺是弱勢，了解弱勢社群的真正需要。「好多人話依家好多政策好離地，其實有咩出奇，講真你係要企喺同一條線同一位置，才可以明白基層最需要嘅，究竟係咩嘢」。工作不時接觸殘疾人士，他反問：「佢哋係咪完全冇工作能力？家庭需要甚麼？」
坐言起行，重拾筆桿寫計劃書，找庇護工場合作推出「生命樹共享手杖計劃」，翁國昌形容是一種傳承，不是技術，而是生命的傳承。「人哋幫過我，我也希望可以幫番人」。貼地到位的服務，建立不求賺大錢但可持續營運的社企，是他當下的人生理想。沒資源，就努力找資源，新近他就贏得「今生不做機械人夢想計劃」的一萬元獎金，又申請社創基金甚至眾籌，只為落實計劃助人自助。「呢個計劃係無心插柳，嗰時剛搬來光屋不久，和太太一齊行山時觸發」。
他說：「嗰次行山，太太行行吓話腳痛，我就喺路邊搵咗支粗樹枝權充行山杖。」那支陪伴小倆口行行重行行的樹枝，結果帶了回家「整靚啲」留念。他說木工知識都是在網上自學。「除咗學點整，原來外國有啲行山徑，都有行山杖可供借用，外國得香港點解唔得？」主動聯絡不同部門，希望回收定期修樹遺下的樹枝樹幹循環再用，可惜問遍漁護署、路政署、康文署和環保署，一輪電郵往來，不得要領。
「佢哋一係話唔關佢哋事，一係問你喺邊度見到，一定要有特定位置特定樹幹，唔會有一個收集處畀你去揀」。攞走要批准，放下一樣關卡重重。「就算你話要免費借畀人，一個傘架咁大嘅手杖架，如果放喺郊野公園範圍，都唔係話放就放，一樣要申請」。吃盡閉門羹仍不放棄，找到私人農莊合作，見招拆招，直至山竹襲港，官員和市民對塌樹用途的認知大增，計劃才柳暗花明。
毛毛蟲的杖頭、手繪藍白色仿青花瓷杖身，由木到竹，曬完再焗再打磨，每支手杖都與別不同。「好多工序，如果全職做，都要近一星期，因為朝早要返工，都係放工後做」。夢想開辦社企，計劃有四個成員，其中兩個是舊同事，太太自然是中堅。「某程度要多謝山竹，半年前同人講冇人明白冇人理，山竹之後，街頭巷尾見到好多樹木未清理，市民理解多咗，知道殘枝木頭除咗堆填，其實仲可善加利用」。行山杖、共鳴箱、木凳仔，與社福機構合作寄賣；找庇護工場合作，教殘疾人士如何香港製造。
「最初笑吓佢，覺得太瘋狂，但見到佢係好認真去做。」林少華說。在尼泊爾相遇，拍拖四年步進教堂，這對結婚剛好20年的患難夫妻，一直甘苦與共。「個仔已經九歲，我可以做兼職幫補吓屋企」。支持丈夫追夢，她總義無反顧。「太太比我堅強，多得佢幫我撐住」。自認黑仔王的翁國昌笑說用了此生的運氣，認識這樣一個的好伴侶。「人嘅感情好脆弱，難得有人肯陪你走過一關又一關，仲要我唔係乜嘢叻人，又冇錢」。說罷，總低調伴在丈夫身邊的林少華，一面靦腆反問：「呢番話我都係第一次聽……幾時咁識講嘢？」
長青網 - 一站式長者及護老者生活資訊網站
記者：呂麗嬋
攝影：何家達
「山竹之後，滿街塌樹，先多咗市民留意，香港原來有咁嘅資源」。今年風災過後，環保署順應民意，在啟德地盤增設臨時堆樹區，翁國昌和太太林少華，這天大清早就由深井遠道而來尋寶，希望可找到一些適合做行山杖的材料。巴士駁巴士，落車後還得徒步半小時，路途遙遠又得預約登記，但足有四個足球場大小的「樹塚」，「取樹區」卻只有四分一個籃球場大小。看着眼前又霉又發黑的樹幹，倆口子一臉無奈：「之前落過雨變成咁，拎返去都冇用。」白行一趟，翁國昌沒氣餒：「希望可將公眾取樹區恒常化，政府都有定期修樹，樹枝樹幹除咗堆填，畀市民多個選擇。」
「嗰時住工廈仲未好興，我哋係先驅，但不幸的是，租住嗰度左面係間山寨樓上卡拉OK，另一邊就長期油炸豬大腸。」
環保共享，諗到單車，仲諗到「死硬」，翁國昌想到「共享行山杖」這主意。他笑言自己不是富二代，只勝在「沒錢可蝕」。「都係升斗香港人，冇屋企可以靠，就做能力所及的事」。習慣靠自己，只是正職做老人院外展保健員的他，萬多元的收入，兒子尚小，要養活一家三口不容易。「之前辭職考護士，都係希望人工高啲，改善生活」。可惜破釜沉舟的結果，不似預期。「如果冇我太太，我諗我唔會坐喺呢度，已放棄咗自己……」與導師不咬弦，壓力太大精神崩潰，急急退學，護士做不成，生活未改善，還急速向下流。
「那一年半，係我哋屋企最黑暗的時間。」一直陪伴丈夫受訪的林少華說。2009年兒子出生，變賣屯門300呎小單位，先後租住工廈劏房和鐵皮屋。「我哋根本就係香港基層住屋發展史嘅代表！」她打趣謂。不過，也難怪林少華這樣說，倆口子是第一代蝸居工廈的家庭。「嗰時住工廈仲未好興，我哋係先驅，但不幸的是，租住嗰度左面係間山寨樓上卡拉OK，另一邊就長期油炸豬大腸」。耳鼻受罪，除了磨滅感官，也磨滅意志，非人生活，過了超過一年。
「下定決心要搬，係個仔要讀書，唔想報工廈地址。」林說。於是，一家三口又由工廈，搬到山上的鐵皮屋。「打風屋頂會漏水，喺屋企無啦啦會見到蛇」。每天營營役役，為柴米油鹽奔波，直至重遇當年曾致電求助的社工，轉介翁國昌一家入住光屋，人生才出現一點光。「佢嚟家訪，見到環境好差，鼓勵我哋申請入住」。位於深井、由閒置前紗廠宿舍改建的「光屋」，是全港首幢社會房屋，由社企「要有光」活化後，廉租有住屋困難的基層家庭，共提供45個開放式單位，租住年期上限為三年。
「好現實，居有定所，你先識得發吓夢。」翁國昌苦笑。根據負擔能力議定租金，每月上門收租的「包租公」，還會溫馨問候近況。就如這天休假，記者跟隨翁國昌到路口等他兒子的校車，兩父子手拖手散步回家，剛好遇上美麗夕陽。「也忘了多久沒看日落……」趁太太煮晚飯，他把握時間到工場剝樹皮，先用支架固定樹幹，去皮拆骨再打磨風乾，秋天微涼，沒一陣，滿頭大汗。翁說倆口子在尼泊爾相識，那些年隨教會到當地做義工，住進民居，和當地人一起生活，自覺捱得，但孩子出生，想法有點不同。
「喺貧窮線下生活，人哋冇開口質疑你，都會自己質疑自己……後來諗通咗，幫人唔一定錢行先，方法先最重要。」
「總係希望可以畀到好啲嘅生活佢」。一直安貧樂道，偏偏過去10年，就如坐上過山車，信心盡失，他直言要行出一步，也需勇氣。「喺貧窮線下生活，人哋冇開口質疑你，都會自己質疑自己……後來諗通咗，幫人唔一定錢行先，方法先最重要」。摸着石頭過河，他直言勝在「冇嘢可以輸」，自覺是弱勢，了解弱勢社群的真正需要。「好多人話依家好多政策好離地，其實有咩出奇，講真你係要企喺同一條線同一位置，才可以明白基層最需要嘅，究竟係咩嘢」。工作不時接觸殘疾人士，他反問：「佢哋係咪完全冇工作能力？家庭需要甚麼？」
坐言起行，重拾筆桿寫計劃書，找庇護工場合作推出「生命樹共享手杖計劃」，翁國昌形容是一種傳承，不是技術，而是生命的傳承。「人哋幫過我，我也希望可以幫番人」。貼地到位的服務，建立不求賺大錢但可持續營運的社企，是他當下的人生理想。沒資源，就努力找資源，新近他就贏得「今生不做機械人夢想計劃」的一萬元獎金，又申請社創基金甚至眾籌，只為落實計劃助人自助。「呢個計劃係無心插柳，嗰時剛搬來光屋不久，和太太一齊行山時觸發」。
他說：「嗰次行山，太太行行吓話腳痛，我就喺路邊搵咗支粗樹枝權充行山杖。」那支陪伴小倆口行行重行行的樹枝，結果帶了回家「整靚啲」留念。他說木工知識都是在網上自學。「除咗學點整，原來外國有啲行山徑，都有行山杖可供借用，外國得香港點解唔得？」主動聯絡不同部門，希望回收定期修樹遺下的樹枝樹幹循環再用，可惜問遍漁護署、路政署、康文署和環保署，一輪電郵往來，不得要領。
「佢哋一係話唔關佢哋事，一係問你喺邊度見到，一定要有特定位置特定樹幹，唔會有一個收集處畀你去揀」。攞走要批准，放下一樣關卡重重。「就算你話要免費借畀人，一個傘架咁大嘅手杖架，如果放喺郊野公園範圍，都唔係話放就放，一樣要申請」。吃盡閉門羹仍不放棄，找到私人農莊合作，見招拆招，直至山竹襲港，官員和市民對塌樹用途的認知大增，計劃才柳暗花明。
毛毛蟲的杖頭、手繪藍白色仿青花瓷杖身，由木到竹，曬完再焗再打磨，每支手杖都與別不同。「好多工序，如果全職做，都要近一星期，因為朝早要返工，都係放工後做」。夢想開辦社企，計劃有四個成員，其中兩個是舊同事，太太自然是中堅。「某程度要多謝山竹，半年前同人講冇人明白冇人理，山竹之後，街頭巷尾見到好多樹木未清理，市民理解多咗，知道殘枝木頭除咗堆填，其實仲可善加利用」。行山杖、共鳴箱、木凳仔，與社福機構合作寄賣；找庇護工場合作，教殘疾人士如何香港製造。
「最初笑吓佢，覺得太瘋狂，但見到佢係好認真去做。」林少華說。在尼泊爾相遇，拍拖四年步進教堂，這對結婚剛好20年的患難夫妻，一直甘苦與共。「個仔已經九歲，我可以做兼職幫補吓屋企」。支持丈夫追夢，她總義無反顧。「太太比我堅強，多得佢幫我撐住」。自認黑仔王的翁國昌笑說用了此生的運氣，認識這樣一個的好伴侶。「人嘅感情好脆弱，難得有人肯陪你走過一關又一關，仲要我唔係乜嘢叻人，又冇錢」。說罷，總低調伴在丈夫身邊的林少華，一面靦腆反問：「呢番話我都係第一次聽……幾時咁識講嘢？」
長青網 - 一站式長者及護老者生活資訊網站
留言 (0)
