新聞類別
娛樂
詳情#
【蘋果日報】
劉德華將於下周六到下月3號喺紅館舉行20場跨年演唱會，距離開騷仲有一個星期多，華仔近日密鑼緊鼓進行綵排，每日除咗勤力練體能，佢都好注重飲食。其實華仔喺五年前已開始茹素，佢向來飲食習慣都以清淡為主，為咗應付緊密演出，除咗食大量蔬菜，每日必食6隻蛋，戒澱粉同戒糖，華仔話：「食素之後，澱粉類一直係我主要嘅飲食，戒澱粉初時都會覺得餓，但係好快就習慣，大家唔使擔心我嘅體能狀態，因為有營養師睇住。」
夜深獨自練習
華仔連日忙於排舞，講到今次演唱會舞蹈環節，華仔話係結合咗曹誠淵老師同現代舞老師Alan Mak嘅構思，每個老師都有唔同風格，不過兩位老師同樣係要求嚴格。而華仔每日同舞蹈員排完舞後，佢都會再獨自留低繼續練習，就算練到幾夜都好，仲要堅持每日至少再跑步45分鐘。
呢次事隔八年再踏上紅館會歌迷，華仔直言心情緊張，佢話：「今次會有一個新創舉，就係會將原本掛喺紅館中間嘅懸吊大螢幕拆落嚟，改為掛喺旁邊位，觀眾視野可以更廣闊，直接欣賞舞台演出。」
撰文：馮仁昭
長青網 - 一站式長者及護老者生活資訊網站
劉德華將於下周六到下月3號喺紅館舉行20場跨年演唱會，距離開騷仲有一個星期多，華仔近日密鑼緊鼓進行綵排，每日除咗勤力練體能，佢都好注重飲食。其實華仔喺五年前已開始茹素，佢向來飲食習慣都以清淡為主，為咗應付緊密演出，除咗食大量蔬菜，每日必食6隻蛋，戒澱粉同戒糖，華仔話：「食素之後，澱粉類一直係我主要嘅飲食，戒澱粉初時都會覺得餓，但係好快就習慣，大家唔使擔心我嘅體能狀態，因為有營養師睇住。」
夜深獨自練習
華仔連日忙於排舞，講到今次演唱會舞蹈環節，華仔話係結合咗曹誠淵老師同現代舞老師Alan Mak嘅構思，每個老師都有唔同風格，不過兩位老師同樣係要求嚴格。而華仔每日同舞蹈員排完舞後，佢都會再獨自留低繼續練習，就算練到幾夜都好，仲要堅持每日至少再跑步45分鐘。
呢次事隔八年再踏上紅館會歌迷，華仔直言心情緊張，佢話：「今次會有一個新創舉，就係會將原本掛喺紅館中間嘅懸吊大螢幕拆落嚟，改為掛喺旁邊位，觀眾視野可以更廣闊，直接欣賞舞台演出。」
撰文：馮仁昭
長青網 - 一站式長者及護老者生活資訊網站
回應 (0)
