新聞類別
娛樂
詳情#
【蘋果日報】細細個就入行嘅「七仔」，捱咗好多年終於叫做捱出頭，人紅變囂喺呢個圈都好平常，不過七仔未紅就已經囂先奇怪。話說佢入行冇耐就簽到好碼頭，間經理人公司要乜有乜，直情當佢大星咁湊，出入起碼兩、三個助手。之後又幫七仔出碟，電影亦都幫佢接唔少。
掛住打機唔埋位
不過始終因為稚嫩，未有突破，七仔就怪公司冇畀夠資源自己。當佢拍完套《反骨仔》之後，真係做埋反骨仔，因為佢見間電影公司後台厚，多戲開而自己份經理人約就到期，就同電影公司獻媚。最後佢成功轉公司，終於憑新公司套《識食男女》彈起。不過呢啲反骨仔眼中只有利益，近排佢又起公司飛腳，養唔熟。佢起人飛腳亦唔係新鮮事，早年佢搞自己生意，問朋友借將，安排幾名得力助手幫佢setup間公司，點知一個屈尾十就高薪搶埋朋友嘅手下過檔。
講番轉頭，七仔同圈中唔少導演都有牙齒印，話說佢捱緊騾仔嘅時候，拍「白頭佬」套戲，名導演加上大製作，幾多人恨都恨唔到，不過七仔抵死嘅地方係覺得理所當然，喺片場淨係掛住打機。試過有次導演叫埋位，佢因為過緊關，死都唔肯起身，要勞動到導演走去叫佢，佢先黑晒面唔情願咁埋位，仲要唔止一次，事後白頭佬話以後唔會再同佢合作。
撰文：Jessie
本欄逢周五刊登
姐匙Talk
我姐匙縱橫歌影視幕後，咁多年嚟冷眼旁觀，娛樂圈大小事都走唔過我雙眼，真係頂唔順要爆啦！歡迎大家嚟剝花生。
長青網 - 一站式長者及護老者生活資訊網站
掛住打機唔埋位
不過始終因為稚嫩，未有突破，七仔就怪公司冇畀夠資源自己。當佢拍完套《反骨仔》之後，真係做埋反骨仔，因為佢見間電影公司後台厚，多戲開而自己份經理人約就到期，就同電影公司獻媚。最後佢成功轉公司，終於憑新公司套《識食男女》彈起。不過呢啲反骨仔眼中只有利益，近排佢又起公司飛腳，養唔熟。佢起人飛腳亦唔係新鮮事，早年佢搞自己生意，問朋友借將，安排幾名得力助手幫佢setup間公司，點知一個屈尾十就高薪搶埋朋友嘅手下過檔。
講番轉頭，七仔同圈中唔少導演都有牙齒印，話說佢捱緊騾仔嘅時候，拍「白頭佬」套戲，名導演加上大製作，幾多人恨都恨唔到，不過七仔抵死嘅地方係覺得理所當然，喺片場淨係掛住打機。試過有次導演叫埋位，佢因為過緊關，死都唔肯起身，要勞動到導演走去叫佢，佢先黑晒面唔情願咁埋位，仲要唔止一次，事後白頭佬話以後唔會再同佢合作。
撰文：Jessie
本欄逢周五刊登
姐匙Talk
我姐匙縱橫歌影視幕後，咁多年嚟冷眼旁觀，娛樂圈大小事都走唔過我雙眼，真係頂唔順要爆啦！歡迎大家嚟剝花生。
長青網 - 一站式長者及護老者生活資訊網站
回應 (0)
