【娛樂人物】談善言林耀聲陳子豐如果愛

【蘋果日報】談善言、陳子豐與林耀聲早前合作拍攝愛情劇，談到愛情，談善言覺得愛情要掌握在自己手裏，聲言會與另一半做一件從未做過的事，令自己刻骨銘心。而林耀聲與陳子豐就愛與戀人黏在一起，陳子豐更謂戀愛與相處是兩回事，所以贊成先同居後結婚。
撰文：王連連
攝影：陳俊強
不愛受束縛的談善言日前接受《蘋果》專訪時表示，要爭取愛情主導權，她很怕別人控制，更憧憬轟烈的愛情。若遇到一生中最愛，她希望在這個速食的愛情世界裏，與對方做從未做過的事，讓自己留個美好的回憶。
記得第一次
談善言說：「人生咁長好多嘢冇試過，想同佢做未做過嘅嘢係因為記憶會最深，人生去到依家20幾歲，最深刻係乜我未知，所以盡量想將來記得，就係第一次做嘅嘢。」
ViuTV愛情劇《假若愛有限期》講述2060年的愛情故事，每對情侶按法例拍拖四個月就要分手。林耀聲覺得如果愛有時限，他想跟情人守在一起：「我會去足四個月旅行，周圍去，見識唔同事物，只係同佢一齊，日日瞓喺側邊嘅都係佢。」
陳子豐亦愛二人世界，他很享受與情人待在家中：「我會選擇喺屋內日對夜對，二十四小時唔出街咁對住佢，若只得四個月時限，我覺得要一齊生活，咁樣容易了解對方，若第一個月已經頂唔順，四個月算耐喇！愛一個人未必相處到，所以我贊成先同居後結婚。」
兩男變情敵
在劇中，談善言與林耀聲、陳子豐兩男一女組合，大玩三角戀，談善言指：「我本來同陳子豐一齊，中間有事發生，後來搵阿聲慰藉。」兩男是情敵，有不少打戲，林耀聲表示：「我同陳子豐同場都係俾佢打，有場打戲喺工廠區天台拍，嗰日啱啱落雨，現場要吊威吔，又有青苔。好彩有武指同替身，如果唔係變遺作。」
長青網 - 一站式長者及護老者生活資訊網站