梁小龍勞氣否認出軌

【蘋果日報】70歲武打影星梁小龍前日疑忽然在微博撰文，向細他30多歲的情人表白。消息傳出後，梁小龍徒弟代為澄清，指師傅賬號個多月前被盜用，有網友更指兩年前見到梁小龍帶老婆到養生館，表現恩愛。
昨日《蘋果》聯絡梁小龍，他在電話中否認偷食︰「做賊會唔會公開話畀大家知？出微博嘅手機係蘋果，我手機係華為，我都好少上微博，連密碼都唔記得，想删除都唔可以。請唔好斷章取義去傷害人，我問心無愧！」梁小龍越講越勞氣，更自認是一個好老公︰「我賺到嘅錢，百分之九十九畀晒老婆，啲仔女要乜畀乜。你可以訪問佢哋，我為人係點。」
採訪︰何永寧
長青網 - 一站式長者及護老者生活資訊網站