對太太感激又慚愧

【蘋果日報】周柏豪跟太太Stephanie上月26日剛好結婚兩周年，柏豪坦言對太太既感激又慚愧，他說：「佢最需要我喺身邊時，可能我去咗外地拍劇三個月，或者去美加開騷，有時諗，如果唔能夠接受呢種相處模式，係好辛苦嘅事，好似細個拍拖嗰種Long D（遠距離戀情）咁，唔能夠喺身邊照顧大家。偏偏佢係好識得去處理，令我好舒服，大家會把握機會，見面時去好好溝通相處，大家好夾先做到，好多謝佢。」
柏豪在11年為當時仍是女友的Stephanie寫了一首歌《天光》，當中歌詞提到：「縱然賺了點，未夠贈你家園，但我尚有音符，寫一張唱片」。柏豪在最近的專輯終於兌現承諾，將兩人合照放上大碟的封面，他說：「張相係我哋去冰島時影，好有紀念價值，係兩個人企喺飛機殘骸前影。」
相關新聞：【娛樂人物】老少平安一家齊齊整整周柏豪簡單．共享
長青網 - 一站式長者及護老者生活資訊網站