拍洪金寶：係咪前世欠咗我

【蘋果日報】林敏驄90年拍攝由洪金寶執導的《脂粉雙雄》，當時眾人吹水叫他當導演，相隔多年終於成真。今次首次執導拍《如珠如寶》，林敏驄笑說毫無難度︰「基本上笑片本土已經冇幾個做得到，以前有黃炳耀、司徒卓漢，我有幸有同佢哋交過手，知道個竅門。二十幾年前已經可以做導演，呢個圈好現實，離開咗冇人會畀你返嚟。」
提到洪金寶，林敏驄肅然起敬︰「拍到最尾嗰日，我拍拍佢膊頭話『大哥，你係咪前世欠咗我，以你身家，唔使搞啲咁嘅嘢。』佢係真心幫我！我喺佢身上學到好多，以前睇佢導演，呢頭話『不如耍猴拳，嗰頭就喺嗰邊教。』跟住拍拍拍，但剪出嚟效果又好正喎！佢今次肯拍都係因為個劇本，就係我哋以前拍戲傾嗰啲，見到啲字就識笑嗰隻，寫呢啲嘢係我本能。」
長青網 - 一站式長者及護老者生活資訊網站