江欣燕追星趴地拜阿梅

【蘋果日報】梅艷芳歌迷最近在太子舉辦一個為期三天的「那些年．我們一起追過的梅艷芳」紀念展，場內展出阿梅的電影海報、劇照及錄影帶等，江欣燕昨日現身展覽，並擔任開幕嘉賓。
欣欣憶述當年跟阿梅首遇的經過：「讀中四嗰年，有幸去睇《勁歌金曲》總選，我搵陳百強同哥哥（張國榮）影合照，再趁住廣告時段搵阿梅合照，但點知我俾地下條cable線kick到，當時哥哥見到就同阿梅話『佢拜你喎！』，阿梅叫我『你企番起身先！』，後來我入咗行，同阿梅同一間公司，我同佢講番，佢話唔認得邊個，但記得呢件事。」欣欣表示這三張合照是最珍貴的珍藏，現保存於家中。
提到與阿梅相處的點滴，欣欣笑說：「有次喺化妝間見到阿梅，佢問我做乜，我話補妝去拍拖，但係佢話應該落妝，以真面目去拍拖。」
採訪：黃曉妍
攝影：仇志德
長青網 - 一站式長者及護老者生活資訊網站