拎男歌手獎發台瘟張敬軒多謝Eason畀機會

【蘋果日報】【十大中文金曲】張敬軒前晚在港台主辦的「第41屆十大中文金曲『用心．聽』音樂會」上成為大贏家，首次奪得最優秀流行男歌手獎，軒仔自言這個獎是「oversize」，他說：「我之前發咗台瘟，唔記得多謝Eason（陳奕迅），因為今年派好多歌，Eason會send message鼓勵自己，同埋好老實講係Eason畀機會我哋呢班後輩，好似每一次有歌派，會畀啲好鼓勵性同好肯定性嘅說話大家，佢真係好錫我哋呢啲後輩。雖然依家樂壇市道唔好，但氣氛好健康，大家公平競爭去做，我嘅機會都係多謝一班樂壇前輩，好似有種接棒感覺。」
軒仔續說：「我訂下嘅目標係一路去，就算自己唔參加個比賽仍然會出席，因為要珍惜呢個場合，今日唔知聽日事，唔係吓吓都可以老馮上台，所以應該盡量支持。」
楊世豪感幸運
今次軒仔邀請了台灣大環藝術家楊世豪來港表演，提到何韻詩早前想邀請台灣閃靈樂團來港演出，但最後不獲簽證，問軒仔事前有否擔心？他說：「我冇諗過喎，基本上喺9、10月落實有呢part，諗住邀請佢嚟，通常邀請呢啲外來人士，佢哋都會搵製作公司去做，今次呢part由導演負責，但係邊度簽證我唔知。」軒仔亦否認為無綫拍特輯而增加機會奪得最受歡迎男歌手，他說：「嗰啲攞唔到分嘅，我只係收咗隻TV Buddy！」
另一方面，楊世豪說：「我來香港才知道，但我很幸運，有機會來到香港演出。」再問會否覺得與台灣相比，香港的言論自由較少，他只說：「肯定是，但台灣現在也很複雜，太敏感的我就不多說。」
紙巾物盡其用
此外，《蘋果》日前在中環見到軒仔，當時他與助手在一間眼鏡舖揀眼鏡，最初軒仔拿着紙巾抹眼鏡框，以為他抹乾淨後試戴，誰知抹完放回枱面，再用抹完眼鏡框的紙巾抹鼻，認真物盡其用。
採訪：馬建華、盧妹、吳耀輝
攝影：仇志德、陳俊強、孔志豪
長青網 - 一站式長者及護老者生活資訊網站