重現15年前巷中格鬥甄子丹縮胸打伍允龍

【蘋果日報】甄子丹主演的電影《肥龍過江》，前晚在九龍灣拍攝煞科戲。今次找來伍允龍客串，重現15年前電影《殺破狼》中吳京的角色。甄子丹接受訪問時表示：「當年都係呢條巷，呢個造型，呢件衫，同埋一條棍，都幾好笑，係其中一個噱頭，不過着起件衫比之前鬆，以前仲大隻，依家胸肌冇以前咁紮實，肚腩肥咗啲，係健康。」由於戲中子丹會另有一個肥佬造型，他笑言子女來到片場，都不知誰是爸爸。子丹稱片名跟洪金寶當年的一套電影一樣，但內容完全不同。
搭建歌舞伎町街
伍允龍則說有看過子丹的《殺》片，而在電影《追龍》時，已經跟子丹有過對打戲，自言與偶像合作十分緊張，大前晚已經失眠。談到近日與江嘉敏傳緋聞，伍允龍說：「唔係真，嗰日做完劇集《兄弟》宣傳，大家未買聖誕禮物畀朋友，就去兜兩個圈，行完我都走咗。」又指本身同江嘉敏男友都熟，經常一齊打機。
另外，王晶稱片中有一半以上於日本拍攝，而且還搭建了一條歌舞伎町街拍攝特技場面，結局會於東京鐵塔拍攝。晶哥今次有不少打戲，他笑言：「打到我死，一個打幾個，我係高級高手，同子丹一齊就兩個打幾十個，唔打都唔知自己好打，打到腳都軟埋。」對於好友導演林嶺東離世，晶哥指收到消息時都大感愕然：「有人同我講九號，地點問番家人好啲。」
採訪：卓寶花
攝影：沈健程
長青網 - 一站式長者及護老者生活資訊網站