新聞類別
娛樂
詳情#
【蘋果日報】陳家樂從小熱愛跑步，曾代表學校出賽，雖然成績未如人意，但他入行後仍不斷挑戰，報名參加馬拉松，更參與慈善籌款孭水跑山。由於消耗體力，要開始行山練習。家樂揚言：「成績係其次，都係志在參與。」
平時喜歡運動的陳家樂，日前在觀塘受訪，他說：「我由讀書開始已好鍾意跑步，中、小學都代表過學校，長、短跑都試過，但成績就唔好提啦，總之都係志在參與。」家樂坦言入行後都有繼續練跑，還嘗試報名參加公開賽：「有參加過公司以前搞嘅陸運會，同事見到我跑起嚟有啲姿勢，又攞咗幾個牌，於是就叫我考慮跑比賽。連續四年都參加跑十公里賽，以前參加嗰啲都係短跑，所以當時十公里對我嚟講已經好多。」第五年還挑戰參加半馬拉松。
修正姿勢
練跑都要有貼士，家樂說：「跑半馬好唔同，要特登修正以前跑姿，平時跑街可能膝頭腳掌好易受傷，要喺半年入面改善。」家樂希望有機會挑戰全馬，他表示工欲善其事，必先利其器，所以都講究跑步裝備，他續說：「首先我會帶一件薄薄哋嘅外套，因為有時夜晚練跑天氣會比較涼，同埋訓練時接近冬天，有件薄褸會比較好。其次聽歌當然唔少得，一對藍芽耳筒一定要有。」
家樂除了愛跑馬拉松外，又跟衛詩雅一齊參加籌款活動，需要孭着一定數量的水跑山，由於消耗體力，所以事前要抽時間練習，他說：「呢個會比較得意啲，因為要孭水行山，不過主要為慈善，成績都係其次，但都要抽時間做行山嘅練習。」
配音好玩
此外，家樂早前願望成真，跟偶像劉德華合作電影《掃毒2》，同時又替一套動畫完成配音工作：「做配音好好玩，今次仲要係幫主角配音，除有好多對白，又要不停咁嗌，原來嗌都有好多唔同嘅方法，今次學識用聲線去表達。」
撰文：曹家誠
攝影：葉君海
長青網 - 一站式長者及護老者生活資訊網站
平時喜歡運動的陳家樂，日前在觀塘受訪，他說：「我由讀書開始已好鍾意跑步，中、小學都代表過學校，長、短跑都試過，但成績就唔好提啦，總之都係志在參與。」家樂坦言入行後都有繼續練跑，還嘗試報名參加公開賽：「有參加過公司以前搞嘅陸運會，同事見到我跑起嚟有啲姿勢，又攞咗幾個牌，於是就叫我考慮跑比賽。連續四年都參加跑十公里賽，以前參加嗰啲都係短跑，所以當時十公里對我嚟講已經好多。」第五年還挑戰參加半馬拉松。
修正姿勢
練跑都要有貼士，家樂說：「跑半馬好唔同，要特登修正以前跑姿，平時跑街可能膝頭腳掌好易受傷，要喺半年入面改善。」家樂希望有機會挑戰全馬，他表示工欲善其事，必先利其器，所以都講究跑步裝備，他續說：「首先我會帶一件薄薄哋嘅外套，因為有時夜晚練跑天氣會比較涼，同埋訓練時接近冬天，有件薄褸會比較好。其次聽歌當然唔少得，一對藍芽耳筒一定要有。」
家樂除了愛跑馬拉松外，又跟衛詩雅一齊參加籌款活動，需要孭着一定數量的水跑山，由於消耗體力，所以事前要抽時間練習，他說：「呢個會比較得意啲，因為要孭水行山，不過主要為慈善，成績都係其次，但都要抽時間做行山嘅練習。」
配音好玩
此外，家樂早前願望成真，跟偶像劉德華合作電影《掃毒2》，同時又替一套動畫完成配音工作：「做配音好好玩，今次仲要係幫主角配音，除有好多對白，又要不停咁嗌，原來嗌都有好多唔同嘅方法，今次學識用聲線去表達。」
撰文：曹家誠
攝影：葉君海
長青網 - 一站式長者及護老者生活資訊網站
回應 (0)
