新聞類別
娛樂
詳情#
【蘋果日報】現年34歲的「沈大師」沈卓盈去年底約滿無綫，她決定向外高飛，離開效力16年的娘家。沈大師日前接受《蘋果》專訪，雖然娛樂圈令她賺得名氣，但沈大師坦言：「係表面風光。」當年為了慳錢，更試過日啃兩個麵包充飢，還會買過季減價平衫出鏡。
採訪：比華利
攝影：林德雄
沈卓盈去年底決定告別工作了16年的無綫，在02年時，當年18歲的沈大師參加無綫第四屆「《TVB周刊》Cover Girl選舉」奪冠入行，一做便到去年底為止。沈大師日前在尖沙嘴接受《蘋果》專訪，坦言深思熟慮下決定向外闖：「唔經唔覺16年啦，時間過得好快，當中有甜酸苦辣，唔同回憶，帶畀我成長，先有今日嘅自己。留喺公司有一定好處，佢畀咗一個好好嘅平台，令我安全同放心。不過，好好保護嘅溫室小花，係時候畀自己出去見吓世界，挑戰吓自己。」
靠金牛壓袋
沈大師過去多年演過《結．分@謊情式》、《賭城群英會》、《平安谷之詭谷傳說》及《特技人》等超過40套劇集，知名度雖然得以提高，但她並不覺得活得風光，她說：「我諗冇人覺得做娛樂圈係風光，都係表面風光，有苦自己知。」她表示入行後，一直做慳妹，出入只搭公共交通工具，每天兩個包充飢：「平時買定兩個包放喺袋，朝早食一個，晏晝食一個。因為趕時間，我會一路搭車，一路食，冇人認得，我都唔介意，我咬住啖包覺得好好味。」
可能不少人會替沈大師感到可憐，她卻自得其樂：「我又唔係咁諗，我鍾意食包，我鍾意食腸仔包、煙肉包、吞拿魚包，所以我唔覺得捱苦，我好享受喎。收工我又坐番城巴，再轉通宵車，唔會立亂嘥錢搭的士。」
回想首天返電視台開工，沈大師笑說爸爸給她一張金牛「壓袋」：「當時我見到一千蚊覺得好多錢，因為做學生，每星期嘅零用包搭車、早午餐同買文具，每個禮拜都只係二百蚊。我好感動，就拎住呢張金牛去返工，我同自己講唔可以亂咁使錢，因為屋企人賺錢好辛苦。」
沈大師自豪用父親給予的一千元起家，她說：「當年都冇諗過要將呢一千蚊點樣變好多錢，只係諗要好好善用。我呢樣嘢要讚一讚自己，爸爸喺我出道畀過一千蚊我，自此我冇問家人拎過錢，對我嚟講，唔係要屋企人畀好多嘢我，反而係我可以畀到乜嘢屋企人。」她表示由第一個月出糧開始，就開始將人工分一半做家用。
買過季平衫
沈大師續道：「之後呢十幾年都一樣，我會將自己人工一半貢獻屋企，我覺得係時候報答屋企，佢哋養咗我咁多年，我只希望屋企人可以生活舒服啲，依家都係，呢個係我嘅責任。」無綫出名人工低，沈大師自問理財有道：「我係要買衫，但都夠使，我多數買減價貨，最叻網上格價，我仲會專揀過季衫買，買定唔同款同顏色，方便配搭，其實唔會有人知過季，最緊要着出嚟靚，我衣櫃啲衫會着完再着，環保呀。」
離開娘家，沈大師難忘在電視台開工時的甜酸苦辣，甜當然是同事間關懷問候，酸竟是拍劇集《怒火街頭》的一場落水戲，她說：「嗰場戲，我畀楊天經喺泳池㩒頭落水，嗰日替身no show，我唔識游水，個頭㩒到落到水底，我又唔識呼吸，飲咗好多啖泳池水，覺得自己好可憐，好辛酸。」
苦練鋼管舞
苦並不是拍苦情戲，反而是沈大師發覺自己演技上未能做足100分，有時會因為自責，而不禁哭出來。辣就是接受不同角色種種挑戰，沈大師憶起了為拍《古靈精探B》要跳鋼管舞：「最終知道係跳鋼管舞，立即滴汗，始終未接觸過，見到條鋼管唔識埋去，我撞到成隻腳瘀晒，於是的起心肝搵導師學，排咗一段分幾、兩分鐘片，用一星期速成，真正拍攝時就豁出去，我同自己講咁辛苦學番嚟，唔可以拍唔好，一定要爭氣，終於完成咗。」
場地提供：六公館
長青網 - 一站式長者及護老者生活資訊網站
採訪：比華利
攝影：林德雄
沈卓盈去年底決定告別工作了16年的無綫，在02年時，當年18歲的沈大師參加無綫第四屆「《TVB周刊》Cover Girl選舉」奪冠入行，一做便到去年底為止。沈大師日前在尖沙嘴接受《蘋果》專訪，坦言深思熟慮下決定向外闖：「唔經唔覺16年啦，時間過得好快，當中有甜酸苦辣，唔同回憶，帶畀我成長，先有今日嘅自己。留喺公司有一定好處，佢畀咗一個好好嘅平台，令我安全同放心。不過，好好保護嘅溫室小花，係時候畀自己出去見吓世界，挑戰吓自己。」
靠金牛壓袋
沈大師過去多年演過《結．分@謊情式》、《賭城群英會》、《平安谷之詭谷傳說》及《特技人》等超過40套劇集，知名度雖然得以提高，但她並不覺得活得風光，她說：「我諗冇人覺得做娛樂圈係風光，都係表面風光，有苦自己知。」她表示入行後，一直做慳妹，出入只搭公共交通工具，每天兩個包充飢：「平時買定兩個包放喺袋，朝早食一個，晏晝食一個。因為趕時間，我會一路搭車，一路食，冇人認得，我都唔介意，我咬住啖包覺得好好味。」
可能不少人會替沈大師感到可憐，她卻自得其樂：「我又唔係咁諗，我鍾意食包，我鍾意食腸仔包、煙肉包、吞拿魚包，所以我唔覺得捱苦，我好享受喎。收工我又坐番城巴，再轉通宵車，唔會立亂嘥錢搭的士。」
回想首天返電視台開工，沈大師笑說爸爸給她一張金牛「壓袋」：「當時我見到一千蚊覺得好多錢，因為做學生，每星期嘅零用包搭車、早午餐同買文具，每個禮拜都只係二百蚊。我好感動，就拎住呢張金牛去返工，我同自己講唔可以亂咁使錢，因為屋企人賺錢好辛苦。」
沈大師自豪用父親給予的一千元起家，她說：「當年都冇諗過要將呢一千蚊點樣變好多錢，只係諗要好好善用。我呢樣嘢要讚一讚自己，爸爸喺我出道畀過一千蚊我，自此我冇問家人拎過錢，對我嚟講，唔係要屋企人畀好多嘢我，反而係我可以畀到乜嘢屋企人。」她表示由第一個月出糧開始，就開始將人工分一半做家用。
買過季平衫
沈大師續道：「之後呢十幾年都一樣，我會將自己人工一半貢獻屋企，我覺得係時候報答屋企，佢哋養咗我咁多年，我只希望屋企人可以生活舒服啲，依家都係，呢個係我嘅責任。」無綫出名人工低，沈大師自問理財有道：「我係要買衫，但都夠使，我多數買減價貨，最叻網上格價，我仲會專揀過季衫買，買定唔同款同顏色，方便配搭，其實唔會有人知過季，最緊要着出嚟靚，我衣櫃啲衫會着完再着，環保呀。」
離開娘家，沈大師難忘在電視台開工時的甜酸苦辣，甜當然是同事間關懷問候，酸竟是拍劇集《怒火街頭》的一場落水戲，她說：「嗰場戲，我畀楊天經喺泳池㩒頭落水，嗰日替身no show，我唔識游水，個頭㩒到落到水底，我又唔識呼吸，飲咗好多啖泳池水，覺得自己好可憐，好辛酸。」
苦練鋼管舞
苦並不是拍苦情戲，反而是沈大師發覺自己演技上未能做足100分，有時會因為自責，而不禁哭出來。辣就是接受不同角色種種挑戰，沈大師憶起了為拍《古靈精探B》要跳鋼管舞：「最終知道係跳鋼管舞，立即滴汗，始終未接觸過，見到條鋼管唔識埋去，我撞到成隻腳瘀晒，於是的起心肝搵導師學，排咗一段分幾、兩分鐘片，用一星期速成，真正拍攝時就豁出去，我同自己講咁辛苦學番嚟，唔可以拍唔好，一定要爭氣，終於完成咗。」
場地提供：六公館
長青網 - 一站式長者及護老者生活資訊網站
回應 (0)
