新聞類別
娛樂
詳情#
【蘋果日報】彭浩翔今年有份投資、執導兼演出的賀歲片《恭喜八婆》，日前與戲中演員梁詠琪（GiGi）、陳奐仁及徐天佑接受本報專訪，彭浩翔安排夢中情人GiGi飾演其女友，又要GiGi對他愛得死去活來。彭浩翔表示近年少見真係笑的廣東話賀歲片：「自從《嚦咕嚦咕新年財》之後就冇乜，希望可以有啲新嘅粵語賀歲片。」
逼女友剪短髮
對於安排自己飾演GiGi男友，彭浩翔說：「今次要搵一個人做梁詠琪男友，金城武唔喺香港，畢彼特又學唔切廣東話，所以都係自己演番，好開心演到梁詠琪男友。」於戲中，GiGi因為深愛彭浩翔，繼而與好姊妹嘈交，兼且離開群組，彭浩翔說：「GiGi係我細細個嘅夢中情人，佢好細個出道，我嗰時逼我女朋友剪短頭髮。想有親熱戲，但時間唔夠，一嚟就講分咗手之後，我怕GiGi抽離唔到。」
GiGi在戲中飾演女警，為一班八婆姊妹解決危急事情，對於會否介意被稱八婆？她說：「其實我都係畀《恭喜八婆》戲名吸引，八婆有好多定義，原來套戲講八婆，唔係單一鬧人嘅八婆。被人叫八婆或賤人唔會嬲，因為如此稱呼對方嘅都係好朋友，而齣戲正係講友誼。」
陳奐仁遭抽水
GiGi笑指開心接到有挑戰性的角色：「除咗彭浩翔做我前男友，我留戀佢嘅程度，仲要同我最好嘅姊妹反面，我實在太鍾意佢，慶幸導演幫我入戲，畀機會我鬧佢質問佢。如果有機會想睇吓彭浩翔做肥翠絲，平時拍戲導演喺現場會扮埋一份，特別係女角色，佢好好笑，唔做幕前真係嘥晒。」在旁的彭浩翔表示自己是一名被困在導演崗位的明星，更笑說若非如此，當年由GiGi主演的電影《心動》，沒有理由不是由他演出。
由肥仔變成筋肉人的陳奐仁，在戲中飾演乸型角色、經營性商品店，他說：「我成日被人摸心口，我又唔可以摸番人哋！」他不用埋位做訪問時，都爭取時間拉筋健身，又同天佑鬥體能。
撰文：張俊銘
攝影：仇志德
場地提供：九龍貝爾特酒店
長青網 - 一站式長者及護老者生活資訊網站
逼女友剪短髮
對於安排自己飾演GiGi男友，彭浩翔說：「今次要搵一個人做梁詠琪男友，金城武唔喺香港，畢彼特又學唔切廣東話，所以都係自己演番，好開心演到梁詠琪男友。」於戲中，GiGi因為深愛彭浩翔，繼而與好姊妹嘈交，兼且離開群組，彭浩翔說：「GiGi係我細細個嘅夢中情人，佢好細個出道，我嗰時逼我女朋友剪短頭髮。想有親熱戲，但時間唔夠，一嚟就講分咗手之後，我怕GiGi抽離唔到。」
GiGi在戲中飾演女警，為一班八婆姊妹解決危急事情，對於會否介意被稱八婆？她說：「其實我都係畀《恭喜八婆》戲名吸引，八婆有好多定義，原來套戲講八婆，唔係單一鬧人嘅八婆。被人叫八婆或賤人唔會嬲，因為如此稱呼對方嘅都係好朋友，而齣戲正係講友誼。」
陳奐仁遭抽水
GiGi笑指開心接到有挑戰性的角色：「除咗彭浩翔做我前男友，我留戀佢嘅程度，仲要同我最好嘅姊妹反面，我實在太鍾意佢，慶幸導演幫我入戲，畀機會我鬧佢質問佢。如果有機會想睇吓彭浩翔做肥翠絲，平時拍戲導演喺現場會扮埋一份，特別係女角色，佢好好笑，唔做幕前真係嘥晒。」在旁的彭浩翔表示自己是一名被困在導演崗位的明星，更笑說若非如此，當年由GiGi主演的電影《心動》，沒有理由不是由他演出。
由肥仔變成筋肉人的陳奐仁，在戲中飾演乸型角色、經營性商品店，他說：「我成日被人摸心口，我又唔可以摸番人哋！」他不用埋位做訪問時，都爭取時間拉筋健身，又同天佑鬥體能。
撰文：張俊銘
攝影：仇志德
場地提供：九龍貝爾特酒店
長青網 - 一站式長者及護老者生活資訊網站
回應 (0)
