李佳芯獲男友稱讚感開心

【蘋果日報】李佳芯昨日到紅磡出席豬年春節祭揭幕禮，現場獻唱鄭秀文的《千年如一日》，不過音響大聲過她的聲音，李佳芯唱完後說：「好難唱，盡咗力。」受訪時，她笑指洗澡時有練歌：「因為我好怕醜，以前好自閉，同學話我係鬼，唔出聲又冇體溫，完全感覺唔到我嘅存在，直至拍劇就變得唔知醜。」
對於男友陳炳銓讚演技有進步，李佳芯甜笑說：「就算我攞獎，佢都冇讚我，所以我好開心，等我打畀佢問吓先。」農曆新年將至，她表示未試過到男友家拜年：「佢啲親戚分散晒，但有一齊食過飯，其實佢都未試過去我屋企拜年。」
採訪：黃曉妍
攝影：陳慧安