古巨基20萬請搭小巴

【蘋果日報】古巨基昨日在灣仔宣佈今年4月11及12日，將再踏紅館舉行「古巨基我們世界巡迴演唱會香港站Part 2」。因為搞記者會花費要十幾萬，基仔為令演唱會更有意義，今日斥20萬租用25架紅色小巴，免費請市民乘坐，分別是「上環至荃灣」及「旺角至大埔」兩條路線，基仔更不排除會突擊現身：「有機會亂入㗎！」
基仔表示Part 2會加入新歌單及製作，上次他開騷不慎跌落台，今次會吸取教訓：「我將1呎幾闊嘅舞台通道，加番到3呎，經過上次意外，我會小心啲。」基仔有意邀請黃子華和古天樂做嘉賓：「上次古天樂以『五虎』形式嚟，睇吓今次會唔會以個人形式嚟做嘉賓。」至於售票形式，基仔說：「第一日係網上售票，第二日開始先喺售票處賣飛，呢個係政府規定嘅新方式，大家都要跟從。」
採訪：黃曉妍
攝影：葉君海
長青網 - 一站式長者及護老者生活資訊網站