康華出新歌　佘詩曼出錢出力

【蘋果日報】康華最近推出新歌，昨日在尖沙嘴舉行發佈會，陳煒、 姜皓文（黑仔）、陳慧珊與譚小環夫婦等大批好友現身撐場。康華自嘲樂壇老新人，前晚更緊張至失眠：「呢排開工好密，拍緊四套劇，又要不停問啲朋友度唔度到期嚟，見到咁多人真係好感動。」
康華爆新歌poster是佘詩曼出錢出力支持：「阿佘見到我之前張海報，問我點解好似失戀咁， 我話影過要好大budget，佢就問我邊日得，然後約好crew同化妝，仲借埋件背心畀我，出埋錢幫我拍。」問到花費，康華說：「我唔敢問，要佢破費都唔好意思，或者之後送份貴重嘅禮物畀佢，佢成日話朋友係要互相幫助。唔只要請大家食飯，能力範圍內做到嘅，我都會在所不辭。」康華又大爆跟黑仔相識超過20年，在貧困時黑仔會帶她登台搵錢。
採訪、攝影：羅慧敏
長青網 - 一站式長者及護老者生活資訊網站