G.E.M.拍拖睇戲自費埋單

【蘋果日報】【爆相爆片】鄧紫棋（G.E.M.）前年戀上富二代造型師Mark，兩人不時被影到拍拖，日前讀者劉先生透過「爆相爆片」，直擊G.E.M.孖男友到圓方睇戲，G.E.M.原來在男友面前是小女人，更負責埋單找數。
劉先生接受《蘋果》電話訪問表示，G.E.M.與男友在日前晚上9時多，到圓方拍拖睇戲：「佢哋前後腳向戲院方向行，初時冇留意到佢，只見到有個女仔戴帽、又戴口罩，再望吓個男仔，就認得係佢男友。」相中所見，戴上口罩的G.E.M.包到冚僅露出一雙眼，男友僅戴cap帽。碰巧當晚劉先生也是同場睇《大黃蜂》，他尾隨兩人到戲院：「佢哋去到戲院，會合咗一個四眼男人，之後去買爆谷，我聽到G.E.M.問男友『食乜好？』之後就見到G.E.M.買咗杯熱飲，跟住佢就好似好忙咁低頭撳手機，用手機畀錢，男友就掛住食爆谷。」
採訪︰皓鶱
長青網 - 一站式長者及護老者生活資訊網站