【蘋果日報】張達明12年確診患鼻咽癌，康復後，首次集編、導、演於一身，更找來好友吳鎮宇、袁詠儀演出新片。他自言經歷生死邊緣，更能感受人間有情：「唔好驚病，自己唔冧，仍會有美麗嘅生存空間。」
撰文︰羅婉玲
攝影：林德雄
張達明自癌病康復後，今次執導的電影《家和萬事驚》，劇本其實是他早年曾奪「香港演藝發展局劇本大獎」的舞台劇《亞Dum一家看海的日子》改編而成，戲中講述吳鎮宇和袁詠儀（靚靚）這對樓奴夫婦，為了有一扇窗的海景樓，嘗盡人生甜酸苦辣。
多朋友幫手
病癒後重建信心，張達明開心表示：「我好興奮，成世人未做過咁大嘅工作，又監製又編劇。」說到一半，張達明突然感觸哽咽說︰「重病之後，有咁多朋友幫手，做到件咁美麗嘅事。多謝鎮宇，係佢話我知舞台劇可以拍成電影，多謝女主角阿靚。依家我同病友分享，唔好驚病，自己唔好冧，仍會有美麗嘅生存空間。」
張達明、吳鎮宇及靚靚曾於97年合作電影《賭神3之少年賭神》，二十年後再重逢，鎮宇亦感興奮：「題材係話題性，時間、角色嘅變化，其實真係未夠喉。」今次鎮宇和靚靚不乏親熱戲，張達明笑指有場戲要靚靚用身體去吸引鎮宇，他睇到好興奮。
上樓靠父母
談到港人為買樓奔波，三位主角各有經歷，張達明坦言：「我係靠父母，當年我係舞台劇演員，成日失業，鎮宇曾經係我老闆，我幫佢寫劇本，攞獎學金去完紐約後，返嚟戶口得番兩千蚊，當時屋企買咗居屋，我做掛名業主。」
靚靚入行時很快走紅，趁樓價不高已付首期供樓：「之後賣咗層樓，一路都係租樓住。」而鎮宇當年置業，幸得明燈指引︰「多年前我想買車，有位師兄問點解唔買樓，買車會跌價，買樓唔會跌。後來我就係由幾十萬嘅村屋，一間一間換上去。」
化妝︰Kerry On of ZING makeupschool（袁詠儀）、Kargo Leung（吳鎮宇）
髮型︰Ziggie Law of the.muse.hair（袁詠儀）、Joe Kwong（吳鎮宇）
長青網 - 一站式長者及護老者生活資訊網站
新聞類別
娛樂
詳情#
回應 (0)
