星爺平用農夫

【蘋果日報】周星馳賀歲片《新喜劇之王》將於大年初一（下月5日）上映，繼找來「柳飄飄」張栢芝配音後，星爺再邀請到農夫聲演片中角色，C君聲演男主角、過氣演員馬可，而陸永就聲演片中的導演。C君及陸永一見到星爺就問：「有冇飯盒食？」星爺就話：「冇！」陸永即轉口風：「冇飯盒唔緊要，我唔食飯都得。」農夫又趁機問星爺如何才可以成為「喜劇之王」，星爺講笑說：「好難喎！用兩句未必得，起碼要多啲時間。」問到跟農夫合作有何感受時，星爺直截了當地說：「平靚正！」
農夫多次跟嘟姐鄭裕玲合作，今次就遇上同是出名嚴厲的星爺，農夫反而笑笑口說：「講惡係冇人類可以同嘟姐媲美，星爺都冇鬧過我哋，其實佢對我哋太仁慈善良喇！」他們更自嘲為何被星爺睇中：「其實係因為我哋收得夠平，又冇嘢撈，夠晒得閒。」
撰文：沈麗珠
長青網 - 一站式長者及護老者生活資訊網站