新聞類別
娛樂
詳情#
【蘋果日報】慕詩國際集團創辦人陳欽杰與太太徐巧嬌結婚40年，兩人感情如膠似漆。在95年時曾被走數600萬，卻令他們轉危為機，全因陳太眼光獨到，一口氣掃入太古城十個單位成功翻身。陳欽杰夫婦日前接受《蘋果》專訪，提到夫妻相處之道，他說：「愛情好似織冷衫咁，兩支針一齊做。」
採訪：羅慧敏
攝影：沈健程
年過60的陳欽杰在中學時代已經認識太太徐巧嬌，當年他對太太一見鍾情，不時會在她常到的電車車站扮偶遇，直至一個暑假，陳欽杰終於找藉口約會，他們16歲拍拖，三年後決定組織家庭。日前陳欽杰與太太接受《蘋果》專訪，重拾當年情懷遊電車河，陳太大爆陳欽杰追求時非常進取：「第一次見面佢就問我攞電話約睇戲，等過馬路時，佢已經把握機會拖手。」
作小產繼續掃貨
當時兩人建立家庭又共同創業，在70年代起於銅鑼灣開廠兼租舖賣成衣起家，賺得多桶金。可惜95年被人走數600萬，但有危也有機，竟令他們再創高峯，陳太說：「當時我哋好有興趣買物業，我同老公講：『今日一定要去太古城，我要買10間！』只要每間升60萬，就可以搵番600幾萬，當時真係做咗，好短時間已經升。」
陳太續說：「好多時人生遇到唔好嘅事，唔好唔開心，可能係一個機會，要冷靜。成功係要堅持，把握機會。」陳太自覺有眼光，更加努力買樓，高峯期同時擁有幾十間物業，三個小朋友小時候的節目便是睇樓，陳欽杰說：「陳太有咗第三個作小產，瞓咗九個月，每次打畀我就話：『我想買樓。』買咗就氹到佢開心。」
教仔：貪字得個貧
結婚40年夫妻感情依舊，陳太說：「我哋好多偈傾，就算嗌交都要鋪鋪清，婚姻生活係一生一世，要包容同欣賞。」陳欽杰表示：「愛情好似織冷衫咁，兩支針一齊做，每一對人嘅故事係自己織出來，大家都付出努力。」至於接班人，陳欽杰指二仔陳柏熹是好人選，陳太說：「佢哋想做乜嘢我哋都一定支持，我哋會教佢哋唔好貪，貪字得個貧，我哋作為父母要做最好嘅後盾。」
長青網 - 一站式長者及護老者生活資訊網站
採訪：羅慧敏
攝影：沈健程
年過60的陳欽杰在中學時代已經認識太太徐巧嬌，當年他對太太一見鍾情，不時會在她常到的電車車站扮偶遇，直至一個暑假，陳欽杰終於找藉口約會，他們16歲拍拖，三年後決定組織家庭。日前陳欽杰與太太接受《蘋果》專訪，重拾當年情懷遊電車河，陳太大爆陳欽杰追求時非常進取：「第一次見面佢就問我攞電話約睇戲，等過馬路時，佢已經把握機會拖手。」
作小產繼續掃貨
當時兩人建立家庭又共同創業，在70年代起於銅鑼灣開廠兼租舖賣成衣起家，賺得多桶金。可惜95年被人走數600萬，但有危也有機，竟令他們再創高峯，陳太說：「當時我哋好有興趣買物業，我同老公講：『今日一定要去太古城，我要買10間！』只要每間升60萬，就可以搵番600幾萬，當時真係做咗，好短時間已經升。」
陳太續說：「好多時人生遇到唔好嘅事，唔好唔開心，可能係一個機會，要冷靜。成功係要堅持，把握機會。」陳太自覺有眼光，更加努力買樓，高峯期同時擁有幾十間物業，三個小朋友小時候的節目便是睇樓，陳欽杰說：「陳太有咗第三個作小產，瞓咗九個月，每次打畀我就話：『我想買樓。』買咗就氹到佢開心。」
教仔：貪字得個貧
結婚40年夫妻感情依舊，陳太說：「我哋好多偈傾，就算嗌交都要鋪鋪清，婚姻生活係一生一世，要包容同欣賞。」陳欽杰表示：「愛情好似織冷衫咁，兩支針一齊做，每一對人嘅故事係自己織出來，大家都付出努力。」至於接班人，陳欽杰指二仔陳柏熹是好人選，陳太說：「佢哋想做乜嘢我哋都一定支持，我哋會教佢哋唔好貪，貪字得個貧，我哋作為父母要做最好嘅後盾。」
長青網 - 一站式長者及護老者生活資訊網站
回應 (0)
