睇《新喜劇之王》有共鳴　黎燕珊爆曾遭欺凌

【蘋果日報】田啟文（田雞）、黎燕珊、鄂靖文及姚嘉妮等前晚現身金鐘出席活動，黎燕珊表示電影《新喜劇之王》令她憶起很多初入行的往事：「呢套戲同我追夢嘅過程好有共鳴，未選美之前，我喺邵氏拍戲，當時被一位金馬男主角，佢係香港演員，依家仲喺度嘅，不過已經冇做呢行，當時佢應該飲醉酒埋位，導演已經叫咗cut，佢仲繼續糟質你，又扯你啲衫，又踩你，仲講粗口鬧你，當時我心諗，點解你咁樣蝦一個同業嘅師妹，對於一個16歲想追夢嘅演員嚟講係好多問號，自己咪匿埋喊囉！」
代澄清不拍《功夫2》
黎燕珊續說：「之後有個副導演行埋嚟，拍拍我個頭『算喇！儍女唔好喊！』不過依家睇番轉頭，要多謝呢位男主角畀我一個咁大嘅挫折，人係要有衝擊，如果唔係遇到佢咁樣，我唔會去選美追我個夢，而有演戲嘅機會。」不過她拒絕透露對方身份。
田雞提到新片跟當年的《喜劇之王》一樣，靠踩腳學識痛，他說：「星爺唔話我知，應該係怕我收貴，因為冇人代替到呢隻腳，依家踩低咗個價㖭！」問到星爺是否開拍《功夫2》？田雞說：「可以好大膽話畀大家聽係唔拍，係一定唔會拍，唔好再講，唔好再傳，就算佢講都係呃你，我可以寫包單，佢依家忙緊《美人魚2》，做埋後期，今年上畫。」
戥李兆基結婚高興
對於去年確診患癌的好友李兆基入紙註冊結婚，田雞表示戥對方高興：「手術成功，跟住又可以小登科，係難能可貴，所以我第一時間打畀佢，不過佢把聲唔係幾好，可能做完手術，休養緊，我就冇乜打搞佢，就留咗口訊畀佢，恭喜佢。」有否見過對方女友？田雞說：「唔通拍戲問佢依家邊個女朋友，我有搵佢工作，佢話佢中風，行動同講嘢都唔方便，就算想搵佢做嘢，都唔敢煩佢。」
採訪、攝影：黃曉妍
長青網 - 一站式長者及護老者生活資訊網站