心悠自嘲馬拉松BB

【蘋果日報】劉心悠與梁釗峰下月9日將到北極參加馬拉松，昨日二人在銅鑼灣舉行誓師大會，大會邀得十位亞洲跑手參賽，心悠在台上說：「見到咁多位專業跑手，我覺得自己真係好似BB。」將參加半馬賽事的心悠直言：「我諗住行都要行晒佢，呢個係人生中最大挑戰之一。」
心悠受訪時被問到會否在賽事中見到北極熊？她說：「真係有可能會見到，但係大會驚佢哋會襲擊人，所以現場會有工作人員stand by，但係難得去到北極，真係好想見吓。」她表示月底便會飛往北極逗留兩星期作準備，並趁機去看極光：「比賽嘅地方已經冇夜晚，所以要習慣睡眠，我試過去中國最北嘅地區做嘢，嗰度夜晚10點先天黑，自己日日都好冇精神。」
採訪、攝影：盧妹
長青網 - 一站式長者及護老者生活資訊網站