新聞類別
娛樂
詳情#
【蘋果日報】
亞洲電視控股噚日公佈去年業績，虧損擴大至8億人民幣，立即再傳出大幅裁員，除化妝、收音攝影同廣播中心全部被裁，製作部慘成重災區，原本19人炒剩4人，留低嘅有包括入職個多月嘅黎文卓，人事部更炒剩一名員工，OTT嘅銷售部亦全部「摺埋」。據知本來有約130多人嘅亞視，目標會裁走約50人，估計今日仍有員工會接大信封。亞視公關部員工早前自動離職，所以暫未有官方發言人，亞視數碼行政總裁何麗全直至截稿前一直都未有回覆。
製作節目急煞停
亞視娛樂新聞部約10多個員工全部被裁，以後會買片播映，有不願開名嘅亞視幕後人爆料：「製作部部份人早前仲跟老闆到馬來西亞，打算製作新一輯《尋找他鄉的故事》，仲已經準備好製作方案，突然再爆裁員，好多人都始料不及。」曾做亞視節目《香港追擊搜》監製嘅袁榮昌噚日被叮：「今日返到公司接電話，即炒即走。」他透露賠償充足：「我前後喺亞視做咗近30年，之前都有機會去ViuTV，當時大哥（吳雨）又搵人入返亞視，我係希望多一個台得一個台。公司唔搞嘢，我冇嘢做淨出糧都唔好意思。公司真係唔差，有免費午餐畀大家。」對於亞視「死因」，袁榮昌話：「我覺得係揸唔定方向，都唔知自己想做乜？大哥入嚟到離開，公司從未有大改革，我都覺得係需要重組，唔係咁蝕法，大股東都會有微言。」
亞視噚日發出聲明：「為配合瞬息萬變的網絡平台發展，亞洲電視數碼媒體有限公司於今日開始改變營運策略，着手重整公司各部門架構，縮減部份人手，希望能夠以更簡練的結構，以及更開放態度營辦數碼平台。未來，亞洲電視數碼媒體有限公司將會因應實際情況需要，招募業內精英以擴充業務。」
有線傳叮走40人
此外，有線電視今日公佈業績，管理層為削減成本打算重組架構，有傳今日會裁員約40人，有線電視外事部噚日回覆：「就相關傳聞，我們沒有任何回應。」
撰文：馮仁昭
長青網 - 一站式長者及護老者生活資訊網站
亞洲電視控股噚日公佈去年業績，虧損擴大至8億人民幣，立即再傳出大幅裁員，除化妝、收音攝影同廣播中心全部被裁，製作部慘成重災區，原本19人炒剩4人，留低嘅有包括入職個多月嘅黎文卓，人事部更炒剩一名員工，OTT嘅銷售部亦全部「摺埋」。據知本來有約130多人嘅亞視，目標會裁走約50人，估計今日仍有員工會接大信封。亞視公關部員工早前自動離職，所以暫未有官方發言人，亞視數碼行政總裁何麗全直至截稿前一直都未有回覆。
製作節目急煞停
亞視娛樂新聞部約10多個員工全部被裁，以後會買片播映，有不願開名嘅亞視幕後人爆料：「製作部部份人早前仲跟老闆到馬來西亞，打算製作新一輯《尋找他鄉的故事》，仲已經準備好製作方案，突然再爆裁員，好多人都始料不及。」曾做亞視節目《香港追擊搜》監製嘅袁榮昌噚日被叮：「今日返到公司接電話，即炒即走。」他透露賠償充足：「我前後喺亞視做咗近30年，之前都有機會去ViuTV，當時大哥（吳雨）又搵人入返亞視，我係希望多一個台得一個台。公司唔搞嘢，我冇嘢做淨出糧都唔好意思。公司真係唔差，有免費午餐畀大家。」對於亞視「死因」，袁榮昌話：「我覺得係揸唔定方向，都唔知自己想做乜？大哥入嚟到離開，公司從未有大改革，我都覺得係需要重組，唔係咁蝕法，大股東都會有微言。」
亞視噚日發出聲明：「為配合瞬息萬變的網絡平台發展，亞洲電視數碼媒體有限公司於今日開始改變營運策略，着手重整公司各部門架構，縮減部份人手，希望能夠以更簡練的結構，以及更開放態度營辦數碼平台。未來，亞洲電視數碼媒體有限公司將會因應實際情況需要，招募業內精英以擴充業務。」
有線傳叮走40人
此外，有線電視今日公佈業績，管理層為削減成本打算重組架構，有傳今日會裁員約40人，有線電視外事部噚日回覆：「就相關傳聞，我們沒有任何回應。」
撰文：馮仁昭
長青網 - 一站式長者及護老者生活資訊網站
回應 (0)
