唔怕老公多女埋身「燒佢頭髮」

【蘋果日報】何超儀老公陳子聰曾是模特兒界的小鮮肉，她卻笑言自己是老公的「救命恩人」，專為對方擋桃花煞︰「佢好靚仔，成日俾人圍，啲auntie直情摸佢，嗰陣我哋見過一次，佢同我講：『你可唔可以扮我女朋友，拖住我隻手，成晚坐喺度！』咁我咪又做咗水魚囉。」雖然深知對方追求，但超儀卻以退為進︰「我平心靜氣同佢講：『你知唔知幾多女仔鍾意你，你嚟搞我？我唔同你拍拖住，睇吓你乜料先。』」
陳子聰當年與男模黃家諾合租，兩個型男難免吸引大批雌性動物聚集，超儀更試過因為有女「賴死」拂袖而去︰「我睇睇吓電視，個女仔竟然瞓低咗，咁我咪走先。我老公知再咁落去，我唔會騷佢，後來佢就搬出嚟住。」老公病癒後變回型男，超儀會否危機感再現？她打趣說︰「冇！袋住個火機得㗎嘞！啲女仔埋去咪燒佢頭髮。哈哈！」
長青網 - 一站式長者及護老者生活資訊網站