姜皓文鬥影帝自詡「型咗」

【蘋果日報】面對黃秋生、周潤發等四個前輩，憑《翠絲》角逐影帝的姜皓文（黑仔）成為今屆金像獎影帝的大冷門。黑仔早前接受《蘋果》專訪，坦言對手強勁：「全部讓我半條街都唔知得唔得，發哥喺度，畀着你夠唔夠膽去攞，會唔會手軟跌番落嚟。」四位對手都是影帝級人馬，但黑仔不認為是壞事：「我拍戲唔係為咗攞獎，我覺得成件事有型咗，可以躋身成班影帝中，我覺得唔係壞事。留畀鍾意睇我及電影嘅同業去揀，好多人睇戲有自己把尺，自己緊張唔嚟。」
黑仔去年憑《拆彈專家》獲最佳男配角，今年有望更上一層樓，黑仔說：「我覺得係一個新開始，對上一次攞咗男配角後，大家對我認同，我再去努力，提名係畀我衝擊，係人哋畀我認同，如果好彩畀我攞咗最佳男主角，我覺得係新嘅局面。」
演藝路印記
在《翠絲》中，黑仔飾演一名性別不安的中年男士，直至長大結婚生仔後，才被朋友喚醒真我，決定做跨性別手術，並與飾演太太的惠英紅爆發衝突。黑仔指角色有突破：「對我來講演係有困難，係我演藝路上印記，值得紀念嘅一件事，但唔係代表作，代表作我仲等緊，今次係里程碑及印記。」
採訪：張俊銘
攝影：沈健程
髮型：Jove Shek of La Mod Salon
化妝：Herrylaiming Make-Up
長青網 - 一站式長者及護老者生活資訊網站