苟芸慧老公批准性感

【蘋果日報】苟芸慧、陳瀅和名模仙蒂歌羅馥（Cindy Crawford）前晚在九龍站一間酒店出席腕錶活動，提到苟姑娘日前性感出席活動，她表示該晚裝裙由老公揀選，在家亦會睇心情性感，更透露老公喜歡幫她揀有女人味及少許性感的服飾，她說：「除非出埠，否則老公唔准我着情侶裝。」問她穿性感衣着會否增加情趣加快造人，苟姑娘說：「應該冇太大分別，佢都見慣我，不過我有着衫嘅，唔好講到我好似冇着衫咁，佢都鍾意小朋友，但唔心急，佢好安全。」
陳瀅透露曾送六位數字的手錶給爸爸作生日禮物，她說：「佢好勤力，係我嘅偶像，如果揀男仔都會揀似爹哋。」她直言可以接受大他十年的男仔，但主要看對方思想是否成熟。如果將陳家樂與爸爸相比，她說：「佢哋兩個做唔同行業，不過家樂都捱得又靚仔。」
採訪：張俊銘
攝影：林賓尼
長青網 - 一站式長者及護老者生活資訊網站