新聞類別
娛樂
詳情#
【蘋果日報】陳茵媺昨日在中環海濱活動空間為Now TV節目宣傳，與現場小主播一齊做實驗。早前陳茵媺跟老公陳豪（Moses）外遊慶祝生日時晒泳照，她說：「我哋去咗蘇梅島玩兩日，好趕，唔想掉低小朋友太耐，奶奶幫我哋湊住佢哋，雖然短短慶祝，但起碼有得去。」
囡囡恨着泳衣
陳茵媺透露行程到差不多出發時才知道，很有驚喜。對於網民大讚泳衣照好看，她說：「我都好開心着到件泳衣，係Moses影得好，今次都曬黑咗又瘦咗，因為地方太熱唔係食好多嘢，不過冇小朋友喺身邊就可以着得靚啲，小朋友都好想去，我哋應承咗下次帶埋佢哋一齊。阿女見我着泳衣時都有意見，就係佢都好想着，好貪靚。」
日前陳豪48歲生日，陳茵媺和小朋友在家中送上驚喜，她說：「我哋簡單家庭為主，同小朋友親手做咗個彩虹蛋糕同埋心意卡送畀Moses，佢好鍾意我哋自製禮物，覺得咁樣有心思，我第一次整彩虹蛋糕，有少少冒險精神。」對於近日熱爆的「安心偷食」事件，陳茵媺認為做藝人不少私人生活都公開，作為局外人不方便評論。陳茵媺和陳豪在圈中出名恩愛夫妻，可曾擔心老公被誘惑？她笑說：「Yes me，我依家都當佢係我男朋友。我哋都好信任對方，對大家好坦白。」陳茵媺平日亦了解陳豪去向，更笑說：「佢都係約我㗎啫。」
教囝囝性教育
同場的林曉峰（阿Lo）在台上透露經常要替囝囝及其女友執鞋，他解釋：「阿仔好亂，有時佢哋除咗鞋就咁擺喺度，我會幫手執，想整齊啲，佢女朋友都好乖，我會同阿仔講拍拖要認真對待對方，我好開放。」現時林曉峰大仔林寶15歲，細仔林熙14歲，兒子有返教會，學校亦有性教育，阿Lo亦會親身教導囝囝：「唔會亂咁做呢樣嘢（指性方面），會傷害到別人，呢方面我好有信心。因為同兩個仔由細到大溝通好好，好多嘢都會講，會教導佢哋。」
囝囝開始拍拖，分分鐘隨時做老爺，阿Lo持開放心態：「安全合法年齡情況下幾時都可以準備，我媽咪都17歲生我家姐，家姐都好後生生小朋友，只要合法安全情況一啲都唔擔心，我好鍾意湊細路，好鍾意小朋友。」
採訪：卓寶花
攝影：陳慧安
長青網 - 一站式長者及護老者生活資訊網站
囡囡恨着泳衣
陳茵媺透露行程到差不多出發時才知道，很有驚喜。對於網民大讚泳衣照好看，她說：「我都好開心着到件泳衣，係Moses影得好，今次都曬黑咗又瘦咗，因為地方太熱唔係食好多嘢，不過冇小朋友喺身邊就可以着得靚啲，小朋友都好想去，我哋應承咗下次帶埋佢哋一齊。阿女見我着泳衣時都有意見，就係佢都好想着，好貪靚。」
日前陳豪48歲生日，陳茵媺和小朋友在家中送上驚喜，她說：「我哋簡單家庭為主，同小朋友親手做咗個彩虹蛋糕同埋心意卡送畀Moses，佢好鍾意我哋自製禮物，覺得咁樣有心思，我第一次整彩虹蛋糕，有少少冒險精神。」對於近日熱爆的「安心偷食」事件，陳茵媺認為做藝人不少私人生活都公開，作為局外人不方便評論。陳茵媺和陳豪在圈中出名恩愛夫妻，可曾擔心老公被誘惑？她笑說：「Yes me，我依家都當佢係我男朋友。我哋都好信任對方，對大家好坦白。」陳茵媺平日亦了解陳豪去向，更笑說：「佢都係約我㗎啫。」
教囝囝性教育
同場的林曉峰（阿Lo）在台上透露經常要替囝囝及其女友執鞋，他解釋：「阿仔好亂，有時佢哋除咗鞋就咁擺喺度，我會幫手執，想整齊啲，佢女朋友都好乖，我會同阿仔講拍拖要認真對待對方，我好開放。」現時林曉峰大仔林寶15歲，細仔林熙14歲，兒子有返教會，學校亦有性教育，阿Lo亦會親身教導囝囝：「唔會亂咁做呢樣嘢（指性方面），會傷害到別人，呢方面我好有信心。因為同兩個仔由細到大溝通好好，好多嘢都會講，會教導佢哋。」
囝囝開始拍拖，分分鐘隨時做老爺，阿Lo持開放心態：「安全合法年齡情況下幾時都可以準備，我媽咪都17歲生我家姐，家姐都好後生生小朋友，只要合法安全情況一啲都唔擔心，我好鍾意湊細路，好鍾意小朋友。」
採訪：卓寶花
攝影：陳慧安
長青網 - 一站式長者及護老者生活資訊網站
回應 (0)
