新聞類別
娛樂
詳情#
【蘋果日報】
星光熠熠嘅金像獎已經喺周日圓滿結束，當晚女星拋胸性感鬥搶鏡，雖然大家嘅焦點落喺deep V嘅周秀娜同裸色透視長裙嘅蔡卓妍身上，但其實當晚曾志偉嘅「未來新抱」王敏奕身穿嘅黑色deep V低胸裝，腰間有cut out剪裁，襯埋白色立體花都好吸睛，王敏奕當晚接受訪時話：「好大壓力，要幾百萬首飾戴喺身，仲要着呢啲衫，要做好多準備工夫，會怕走光。」講到咁着使唔使男友曾國祥批准，佢仲風騷話：「佢冇comment，我諗佢覺得我着乜都係咁，都係咁靚囉。」
剪裁設計九成似
王敏奕完騷後貼咗靚相喺Ig，仲tag埋贊助靚裙時裝舖，但馮仁昭收到讀者踢爆王敏奕身上靚裙涉嫌抄襲自美牌BCBG Max Azria，兩條裙剪裁設計九成似，唯一分別係腰間嘅白色立體花，而呢啲花裝飾就似足法國Chanel嘅標誌白色山茶花，所以呢條靚裙明顯集兩大名牌之大成。
馮仁昭睇到贊助呢條裙嘅時裝舖，佢哋標榜香港設計，一名不願透露姓名嘅時裝店女負責人噚日否認贊助王敏奕嘅裙有抄襲之嫌，佢強調係原創設計：「我哋做咗呢類裙好多年，我哋設計有喺世界潮流搵靈感，會有唔同風格，係搜羅世界，再加插自己restyle做設計藍本，朵白花係自己invent上去。」呢間舖當晚仲贊助杜小喬、麥芷誼、郭奕芯同陳欣妍呢幾位新人晚裝，佢哋幾位嘅靚裙就似曼谷網上時裝店VATANIKA嘅靚裙。
撰文：馮仁昭
長青網 - 一站式長者及護老者生活資訊網站
星光熠熠嘅金像獎已經喺周日圓滿結束，當晚女星拋胸性感鬥搶鏡，雖然大家嘅焦點落喺deep V嘅周秀娜同裸色透視長裙嘅蔡卓妍身上，但其實當晚曾志偉嘅「未來新抱」王敏奕身穿嘅黑色deep V低胸裝，腰間有cut out剪裁，襯埋白色立體花都好吸睛，王敏奕當晚接受訪時話：「好大壓力，要幾百萬首飾戴喺身，仲要着呢啲衫，要做好多準備工夫，會怕走光。」講到咁着使唔使男友曾國祥批准，佢仲風騷話：「佢冇comment，我諗佢覺得我着乜都係咁，都係咁靚囉。」
剪裁設計九成似
王敏奕完騷後貼咗靚相喺Ig，仲tag埋贊助靚裙時裝舖，但馮仁昭收到讀者踢爆王敏奕身上靚裙涉嫌抄襲自美牌BCBG Max Azria，兩條裙剪裁設計九成似，唯一分別係腰間嘅白色立體花，而呢啲花裝飾就似足法國Chanel嘅標誌白色山茶花，所以呢條靚裙明顯集兩大名牌之大成。
馮仁昭睇到贊助呢條裙嘅時裝舖，佢哋標榜香港設計，一名不願透露姓名嘅時裝店女負責人噚日否認贊助王敏奕嘅裙有抄襲之嫌，佢強調係原創設計：「我哋做咗呢類裙好多年，我哋設計有喺世界潮流搵靈感，會有唔同風格，係搜羅世界，再加插自己restyle做設計藍本，朵白花係自己invent上去。」呢間舖當晚仲贊助杜小喬、麥芷誼、郭奕芯同陳欣妍呢幾位新人晚裝，佢哋幾位嘅靚裙就似曼谷網上時裝店VATANIKA嘅靚裙。
撰文：馮仁昭
長青網 - 一站式長者及護老者生活資訊網站
回應 (0)
