身兼多職拍劇捱殘

【蘋果日報】天生一副baby face的區瑞強，歲月似乎未有在臉上留下痕迹，不過他談及養生之道時，不禁指一指臉上的皺紋，原來是82年為無綫拍青春偶像劇《愛情安歌》時留下的戰績，他說：「當年我一身兼幾職，歌、視同電台開咪，但無綫都話要我拍劇，幾乎一日開足24小時，忙到天昏地暗，我只係得坐車同化妝時可以瞓吓，從此臉上就多咗幾條皺紋同黑眼圈，同埋甩咗啲頭髮。本來再叫我拍劇，不過我同佢哋講『你唔好呃我，我成世跟住幾條皺紋，講明你冇得畀我瞓，我唔拍，我唔係撈你呢啲』，我好彩底打得好，身體頂得住。」
區瑞強近年密密開騷會知音，他將於下月3到5日在灣仔新伊館舉行「區瑞強名曲巨星真經典演唱會2019」，他笑言開騷不是很好賺：「我哋民歌歌手唔係好賺，但如果唔賺，下次就冇得出第二張碟。演唱會我一定自己搞番，我會睇實條數，我一定要賺錢。」
長青網 - 一站式長者及護老者生活資訊網站