樂易玲：心穎成日喊

【蘋果日報】樂易玲昨晚與兒子在紅館欣賞吳業坤演唱會，問她有否與心穎聯絡，她說：「今日冇，噚日有。」有傳心穎離港？她否認說：「佢係喺香港。」事件是否影響好多工作？她說：「真係影響咗好多工作，有啲係登台同出埠，不過我哋都處理咗，搵咗其他藝人接替。」問到有否需要賠錢？樂易玲說：「佢哋好好，好滿意安排。不過公司有好多工作要重新部署。」
心穎有份主演的劇集被抽，她表示未知最後播出的時間，只希望這件事可以盡快過去。再問會否與心穎解約？她說：「暫時未諗呢個問題，佢仲有好長嘅約，暫時停工係佢自己嘅意願，始終需要時間。」心穎會否親身交代？她說：「等佢ready咗先，依家淨係首歌都反應咁大，遲啲先。」她亦坦承心穎情緒不穩：「佢成日喊，我哋同佢嘅家姐都會睇住佢，大家可以唔使擔心。」至於有否與馬國明再傾？她說：「有，見記者前後都有傾過，有工作做緊始終會好啲，不過馬明好專業，係絕種好男人。」
採訪：曹家誠
攝影：陳俊強
長青網 - 一站式長者及護老者生活資訊網站