阿澤程美段為錢開拖

【蘋果日報】杜汶澤的網台近日捲入拖糧風波，昨日阿澤在fb開名揶揄曾任主持的程美段：「程美段小姐，好唔好意思，我哋一時疏忽，入咗錢去你戶口，唔記得通知你，搞到你以為我哋唔出糧。至於你走去同記者講，當然你有權咁做啦！」
程美段去年跟經理人陳達仁鬧翻，陳達仁昨日回覆《蘋果》說：「首先我覺得藝人唔同取向，甚至乎唔啱都好，都唔好背後靜雞雞同記者放料，咁樣係非常冇道德。萬一人哋因為你呢個冇證據嘅報道身敗名裂。」杜汶澤之後又在社交網留言鬧爆：「大家用呢個人記得小心啲，因為就算佢有你電話都好，有乜問題，佢都係同記者講咗先！」程美段昨在fb反駁：「如果我等足3個月都未收到錢，仲長期比對方已讀不回，咁都叫博見報，咁我程美段道歉，係我多口向記者講，抱歉，對唔住。」
採訪：陳杰
長青網 - 一站式長者及護老者生活資訊網站