新聞類別
娛樂
詳情#
【蘋果日報】樂隊RubberBand（RB）今年成績斐然，成功捧走金像獎兩個音樂獎項。四子未來大計還有許多，除了衝出香港參與海外的音樂節外，更進軍全新音樂領域，以爵士樂將舊歌改頭換面。坊間有個說法，年紀大才懂得欣賞爵士樂，他們成軍才11年，怎會這麼快就認老？
樂隊RubberBand繼早前在澳門舉行演唱會後，接下來還有幾個他們形容為新奇有趣的計劃。日前四位成員在將軍澳接受《蘋果》訪問，回顧澳門的演出，主音6號感受最深：「始終喺澳門長大，今次可以話半個主場，老土啲講叫衣錦還鄉。」
德國唱廣東歌
但最令RB四子驚喜的是完騷後的歌迷小聚會中，見到來自佛山的歌迷，鼓手泥鯭說：「喺我哋啱啱出道到佛山宣傳嘅時候識，當時仲係小朋友，依家生得高過我，睇到佢哋先諗起原來時間過得咁快，亦希望多啲機會去唔同地方玩音樂。」
RB已落實年中到台灣和德國演出音樂節，低音結他手阿偉說：「台灣出席犀利趴音樂節，我哋一直都好想玩音樂節，玩多啲平時少玩嘅歌。」至於德國演出則是應Ear Up Global Project邀請到當地作交流，阿偉續說：「8月去慕尼黑演出音樂節，順便拜訪當地音樂人，諗吓去到德國唱廣東歌都幾過癮。」
爵士樂門外漢
樂隊近日以客席身份參加康文署舉辦的Jazz Marathon，結他手阿正說：「以Jazz方式將我哋嘅歌改頭換面咁玩，到時有好多世界各地嘅大師，其實爵士樂我哋係門外漢，所以真係好難得嘅機會一齊交流。」他們表示今年製作的新專輯同樣希望加入爵士樂元素。說到年紀大開始懂欣賞爵士樂，阿正笑說：「冇錯，我哋年紀都唔細啦。」泥鯭亦說：「呢個係一種偏見，音樂唔好比年齡限制，不過我哋的確唔係後生。」
採訪：曹家誠
攝影：葉君海
長青網 - 一站式長者及護老者生活資訊網站
樂隊RubberBand繼早前在澳門舉行演唱會後，接下來還有幾個他們形容為新奇有趣的計劃。日前四位成員在將軍澳接受《蘋果》訪問，回顧澳門的演出，主音6號感受最深：「始終喺澳門長大，今次可以話半個主場，老土啲講叫衣錦還鄉。」
德國唱廣東歌
但最令RB四子驚喜的是完騷後的歌迷小聚會中，見到來自佛山的歌迷，鼓手泥鯭說：「喺我哋啱啱出道到佛山宣傳嘅時候識，當時仲係小朋友，依家生得高過我，睇到佢哋先諗起原來時間過得咁快，亦希望多啲機會去唔同地方玩音樂。」
RB已落實年中到台灣和德國演出音樂節，低音結他手阿偉說：「台灣出席犀利趴音樂節，我哋一直都好想玩音樂節，玩多啲平時少玩嘅歌。」至於德國演出則是應Ear Up Global Project邀請到當地作交流，阿偉續說：「8月去慕尼黑演出音樂節，順便拜訪當地音樂人，諗吓去到德國唱廣東歌都幾過癮。」
爵士樂門外漢
樂隊近日以客席身份參加康文署舉辦的Jazz Marathon，結他手阿正說：「以Jazz方式將我哋嘅歌改頭換面咁玩，到時有好多世界各地嘅大師，其實爵士樂我哋係門外漢，所以真係好難得嘅機會一齊交流。」他們表示今年製作的新專輯同樣希望加入爵士樂元素。說到年紀大開始懂欣賞爵士樂，阿正笑說：「冇錯，我哋年紀都唔細啦。」泥鯭亦說：「呢個係一種偏見，音樂唔好比年齡限制，不過我哋的確唔係後生。」
採訪：曹家誠
攝影：葉君海
長青網 - 一站式長者及護老者生活資訊網站
回應 (0)
