李澤楷郭嘉文紅白酒兩溝

【蘋果日報】【爆相爆片】被指坐擁約340億元身家的「小小超」李澤楷戀上26歲港姐郭嘉文，二人拍拖3年多，依然愛得甜蜜，早前李澤楷難得在香港與女友出席活動，二人更大方合照。日前，李澤楷與郭嘉文被《蘋果》讀者陳小姐透過「爆相爆片」，直擊二人在上環一間西班牙餐廳枱腳。
保鑣冇跟身
陳小姐表示當晚上約7時，身穿白色恤衫的李澤楷與黑色V領上衣打扮的郭嘉文在餐廳撐枱腳，二人揀了在餐廳正中當眼位置的bar枱，當時二人枱頭已點了白酒及紅酒，十分懂得享受。陳小姐表示：「佢哋兩個就坐喺bar枱位置，唔係好覺有保鑣喺附近，初頭就見李生比較多嘢講，而郭嘉文就係聽多，個女仔好有耐性，而李生就越講越滔滔不絕，之後有侍應上前為佢哋服務，見到李生都好有笑容。佢哋一坐就坐到大概9點，郭嘉文之後開始多嘢講，見佢講到手舞足蹈，最後佢哋留咗兩個鐘，就埋單走人。」
其實，由於李澤楷工作忙，兩人甚少有時間在香港拍拖，不過就算李澤楷到外地開會，郭嘉文也會化身成「跟得女友」，早前就有讀者直擊二人遊韓國首爾，猶如「連體嬰」同行，甜到漏。
採訪︰唐如
長青網 - 一站式長者及護老者生活資訊網站