新聞類別
娛樂
詳情#
【蘋果日報】【洛杉磯專訪】香港藝人陳鈺芸（JuJu）趁荷李活近年再興中國風，亦抓緊機會到當地發展，努力三年終於有成果，參演嘅電影同電視劇會喺今年上映。JuJu接受《蘋果》訪問時，就分析香港同荷李活拍戲文化分別。
JuJu喺紐約大學畢業後，見當時美國影視市場少亞裔演員，就返港發展。不過近年就見到美國嘅機會多咗，包括電影《我的超豪男友》（Crazy Rich Asians），佢話：「荷李活開始着重多元種族，呢幾年奧斯卡都有唔同種族演員參與，所以我就返美國，依家每套電視劇、電影都有一個以上嘅亞洲人角色。」
打功夫發洩
機會多但競爭亦大，JuJu要不停進修，學戲劇、聲樂同動作增值自己。佢話喺香港只要搵到間好嘅經理人公司，已經可以坐喺度等收劇本兼拍戲。但喺荷李活試鏡，會喺幾百人中揀一個，要過關斬將，身高5呎5吋嘅佢話：「頭一年做咗五、六十個試鏡，就算入到第二、三輪，但最後二選一，都試過因為唔夠高輸咗。曾經好失落，要靠打功夫發洩情緒，但慢慢亦學習到接受別人『say no』，依家盡力就好。」
新片做女一
JuJu話喺荷李活做演員，待遇比香港好好多。因為當地有演員工會，拍戲唔會超過12小時，拍攝時仲有餐車、廚師，又有自己休息室同車照顧周到：「香港拍戲效率太快，不會為瞓多幾個鐘拍少啲。」由於每年2月到4月係荷李活試鏡高峯期，呢段時間佢都會留喺洛杉磯。
今年JuJu有兩部電影同一部電視劇上映，包括陳果執導《九龍不敗》，當中JuJu同張晉有激烈打鬥戲；另一部係荷李活電影《Hollow Point》，佢就擔大旗做女一，而且冇替身。JuJu話Netflix喺暑假登場嘅新劇《五行刺客》，佢最開心係同馮德倫，以及印尼動作影星Iko Uwais合作。
駐洛杉磯記者：張紫茵
長青網 - 一站式長者及護老者生活資訊網站
JuJu喺紐約大學畢業後，見當時美國影視市場少亞裔演員，就返港發展。不過近年就見到美國嘅機會多咗，包括電影《我的超豪男友》（Crazy Rich Asians），佢話：「荷李活開始着重多元種族，呢幾年奧斯卡都有唔同種族演員參與，所以我就返美國，依家每套電視劇、電影都有一個以上嘅亞洲人角色。」
打功夫發洩
機會多但競爭亦大，JuJu要不停進修，學戲劇、聲樂同動作增值自己。佢話喺香港只要搵到間好嘅經理人公司，已經可以坐喺度等收劇本兼拍戲。但喺荷李活試鏡，會喺幾百人中揀一個，要過關斬將，身高5呎5吋嘅佢話：「頭一年做咗五、六十個試鏡，就算入到第二、三輪，但最後二選一，都試過因為唔夠高輸咗。曾經好失落，要靠打功夫發洩情緒，但慢慢亦學習到接受別人『say no』，依家盡力就好。」
新片做女一
JuJu話喺荷李活做演員，待遇比香港好好多。因為當地有演員工會，拍戲唔會超過12小時，拍攝時仲有餐車、廚師，又有自己休息室同車照顧周到：「香港拍戲效率太快，不會為瞓多幾個鐘拍少啲。」由於每年2月到4月係荷李活試鏡高峯期，呢段時間佢都會留喺洛杉磯。
今年JuJu有兩部電影同一部電視劇上映，包括陳果執導《九龍不敗》，當中JuJu同張晉有激烈打鬥戲；另一部係荷李活電影《Hollow Point》，佢就擔大旗做女一，而且冇替身。JuJu話Netflix喺暑假登場嘅新劇《五行刺客》，佢最開心係同馮德倫，以及印尼動作影星Iko Uwais合作。
駐洛杉磯記者：張紫茵
長青網 - 一站式長者及護老者生活資訊網站
回應 (0)
