感情隨緣愛做宅女

【蘋果日報】康華自94年選港姐入行後鮮有緋聞，有傳她於07年轉戰內地市場，與一名於美國開超市的華僑阿Ken結婚，對此，康華沒有正面回應，只謂︰「感情我一向都好低調，後生嗰陣為咗感情浪費咗好多時間，依家我都係專注番工作先！等之後年紀大啲，再搵番個伴都未遲。」
冇諗過靠男人
康華稱從未想過靠男人，雖然單身了一段日子，但不心急找伴。她說擇偶最大原則就是保持自我，她說︰「我覺得男同女相處最重要係包容，尤其唔好諗住去改變對方，如果第一日認識佢係咁，就要接受，咁至相處得舒服。」現階段她說最開心的事是一家人可以共敍天倫，她說︰「有能力照顧父母係一件好幸福嘅事，平日我唔使開工，都會留喺屋企，同家人相處好享受，我鍾意食住家飯，呢種咁簡單嘅家庭生活我最嚮往。」
長青網 - 一站式長者及護老者生活資訊網站