數學99分被打唔准喊

【蘋果日報】崔碧珈是家中長女，有一妹一弟，她從小要擔起「大家姐」角色，崔碧珈自爆當年被一日一小打、兩日一大打：「細個喺屋企食飯好似去咗法國餐廳咁，要換公主袖衫，整靚個頭同換鞋，因為媽咪好注重餐桌禮儀。」
崔媽媽承認當年對子女嚴厲，還笑問崔碧珈：「記唔記得有次數學你96分？」崔碧珈隨即糾正：「係99分！記得嗰日個場景係佢揸緊車，佢問我點解數學99分，我只係講『大意』，佢就一巴摑埋嚟，因為喺媽咪心目中，唔識可以，但唔容許大意，而另一個規條係打你唔准喊，如果唔係罰多十倍，所以俾人打完都要忍住眼淚。」
發現拍拖
崔媽媽還爆當年發現崔碧珈拍拖：「以前我會接佢返學放學，有日佢叫我唔好將架車停正門口，又叫我唔使接佢放學，於是我有日就將架車停喺隔籬街，見到佢同一個男仔一齊，不過冇拖手嘅。」崔媽媽續謂：「當時唔理解乜嘢叫puppy love，只係覺得13歲好細個，於是我叫佢哋一齊上車。」崔碧珈哈哈笑謂：「我記得三個人去咗下午茶，嗰時為咗捍衞我嘅愛情，仲人生第一次『還拖』，用枕頭劈媽咪。」崔媽媽爆崔碧珈為此事離家出走幾日，最後要她到男同學的家氹崔碧珈回家。
長青網 - 一站式長者及護老者生活資訊網站