陳瀅為着泳衣努力喼弗

【蘋果日報】陳瀅、麥長青（麥包）及陳浚霆等昨日到荃灣支持仁濟醫院全港賣旗日。首次參與賣旗活動的陳瀅成績不俗，她說：「好有意義，感受到好多positive energy，都有人叫我集郵，我就用嚟交換，叫佢買旗囉。」陳瀅今日將回溫哥華探婆婆，再到夏威夷出席朋友的婚禮，她自爆為着泳衣，日日做運動收線條：「買咗三套one-piece同two-piece嘅，睇吓到時線條得唔得啦。」
麥包與陳浚霆齊齊受訪，兩人透露正拍攝內地電視劇，麥包自嘲已兩年未有拍劇，擔心自己不懂演戲，但大讚陳浚霆非常好又努力。陳浚霆則笑謂，不敢向麥包請教演戲：「我唔敢，驚到腳震，我今次做壞人，啱啱拍完嗰場戲，俾人摑咗半個鐘。」
採訪、攝影：盧妹
長青網 - 一站式長者及護老者生活資訊網站