【馮仁昭四圍超】倪晨曦馬路影相教壞人

【蘋果日報】倪晨曦嘅Ig有70幾萬追隨者，可以話係本地網紅界一姐。噚日佢貼出一張一身牛女打扮，企喺中環鬧市嘅靚相，即時引來網民爭議。事關佢企喺皇后大道中、環球大廈門外十字路口，雖然相片中睇到應該轉咗燈號，已停晒車，但喺交通繁忙路段企出馬路，實在危險，兼且帶來錯誤示範。網民同粉絲都有留言指摘，叫倪晨曦唔好教壞人。
撰文：馮仁昭
長青網 - 一站式長者及護老者生活資訊網站