新聞類別
娛樂
詳情#
【蘋果日報】現年53歲的關寶慧，上月憑演出的舞台劇在舞台劇獎中，奪得人生首個最佳女主角獎項。人生如夢，事業跟愛情一樣，時也命也，但一日不放棄，依然有機會。目前仍是單身的她，年初被玄學家蘇民峰批嫁不出，雖然不開心，但她卻謂：「我冇氣餒，我好信命，我又唔係比人差。」
採訪︰羅婉玲
攝影︰沈健程
關寶慧在娛樂圈浸淫多年，甚少緋聞或戀情，不是她抗拒或不接受，只是緣份一直沒眷顧她。年初被玄學家蘇民峰批嫁不出，令她不開心：「我真係有啲嬲嬲哋，我同蘇師傅講，新年講番啲開心嘢啦，佢就補句2023年就會有姻緣到。多年前我曾拍過一個男仔，但俾人講是非拆散咗，所以有啲嘢唔係你就唔係你。」
一直嚮往結婚，關寶慧坦言：「我係鍾意結婚嘅人，18歲嗰年想21歲結婚，到25歲冇拖拍就定30歲結婚，到依家50幾歲人，再到6條（60歲）冇得結啦！」不過信命的她，卻沒有氣餒，對婚姻依然有冀盼：「肥媽（Maria Cordero）有次話，佢咁肥兼拖住六個仔女都搵到老公，話我點會冇人吼，叫我檢討吓，呢啲咪命囉。但我冇氣餒，我好信命，我又唔係比人差。」
轉運抽獎贏錢
緣份未遇到幸運之神，關寶慧在事業上反而突創高峯，奪得舞台劇獎最佳女主角獎項，當時她在台上爆喊，一臉難以置信。到現在仍覺得獲獎很夢幻，她說：「早兩日我仲發夢，被褫奪個獎，哈哈！對自己太冇信心。我冇諗過咁好運，攞獎前兩個星期，去黃百鳴公司春茗，我從來都冇抽獎運，當晚竟然抽到兩萬蚊現金獎，頒獎嘅古天樂望住我，唔覺得幸運兒會係我。」
演藝學院（APA）畢業的關寶慧，多年沒踏過台板，因此去年演《她媽的葬禮》時她感困惑：「生疏咗咁耐，當時有好多疑難，但要對自己有要求，因為唔做番齣好戲，枉為APA學生。」相信命運的她，看透人生的起起跌跌：「我不嬲都係咁做人做事，以前會問點解呢個角色唔係搵我做，我好信命運，就好似今次攞獎，都係天時、地利、人和。」
得獎擇日擺酒
關寶慧形容得獎如結婚，打算擇日派紅雞蛋及擺酒慶祝：「我希望8月做到，因為近排唔得閒，接咗個音樂劇《我們的青春日誌》7月公演，總之有拖冇欠。」不說不知，原來她曾差一點做歌手，關寶慧說：「當年新藝寶年代話簽我做歌星，當日臨簽約時，我話我係讀戲劇，臨門冇簽約就走咗，呢件事我都覺得自己離譜，嗰位高層仲嬲咗我。」不過她未有後悔，因她對自己所做的事，從不後悔。
場地提供︰Harlan's（The One）
長青網 - 一站式長者及護老者生活資訊網站
採訪︰羅婉玲
攝影︰沈健程
關寶慧在娛樂圈浸淫多年，甚少緋聞或戀情，不是她抗拒或不接受，只是緣份一直沒眷顧她。年初被玄學家蘇民峰批嫁不出，令她不開心：「我真係有啲嬲嬲哋，我同蘇師傅講，新年講番啲開心嘢啦，佢就補句2023年就會有姻緣到。多年前我曾拍過一個男仔，但俾人講是非拆散咗，所以有啲嘢唔係你就唔係你。」
一直嚮往結婚，關寶慧坦言：「我係鍾意結婚嘅人，18歲嗰年想21歲結婚，到25歲冇拖拍就定30歲結婚，到依家50幾歲人，再到6條（60歲）冇得結啦！」不過信命的她，卻沒有氣餒，對婚姻依然有冀盼：「肥媽（Maria Cordero）有次話，佢咁肥兼拖住六個仔女都搵到老公，話我點會冇人吼，叫我檢討吓，呢啲咪命囉。但我冇氣餒，我好信命，我又唔係比人差。」
轉運抽獎贏錢
緣份未遇到幸運之神，關寶慧在事業上反而突創高峯，奪得舞台劇獎最佳女主角獎項，當時她在台上爆喊，一臉難以置信。到現在仍覺得獲獎很夢幻，她說：「早兩日我仲發夢，被褫奪個獎，哈哈！對自己太冇信心。我冇諗過咁好運，攞獎前兩個星期，去黃百鳴公司春茗，我從來都冇抽獎運，當晚竟然抽到兩萬蚊現金獎，頒獎嘅古天樂望住我，唔覺得幸運兒會係我。」
演藝學院（APA）畢業的關寶慧，多年沒踏過台板，因此去年演《她媽的葬禮》時她感困惑：「生疏咗咁耐，當時有好多疑難，但要對自己有要求，因為唔做番齣好戲，枉為APA學生。」相信命運的她，看透人生的起起跌跌：「我不嬲都係咁做人做事，以前會問點解呢個角色唔係搵我做，我好信命運，就好似今次攞獎，都係天時、地利、人和。」
得獎擇日擺酒
關寶慧形容得獎如結婚，打算擇日派紅雞蛋及擺酒慶祝：「我希望8月做到，因為近排唔得閒，接咗個音樂劇《我們的青春日誌》7月公演，總之有拖冇欠。」不說不知，原來她曾差一點做歌手，關寶慧說：「當年新藝寶年代話簽我做歌星，當日臨簽約時，我話我係讀戲劇，臨門冇簽約就走咗，呢件事我都覺得自己離譜，嗰位高層仲嬲咗我。」不過她未有後悔，因她對自己所做的事，從不後悔。
場地提供︰Harlan's（The One）
長青網 - 一站式長者及護老者生活資訊網站
回應 (0)
