敢言杜汶澤搞團遊馬拉

【蘋果日報】被內地封殺的藝人不只黃耀明，還有一向敢言的杜汶澤，阿澤被內地封殺後轉戰東南亞市場，更在馬來西亞開設電影公司。識飲識食的阿澤早前為ViuTV主持旅遊節目《走佬去馬拉》大受歡迎，阿澤昨日在fb宣佈：「本人即將承辦馬拉豪食團，有興趣跟我去食好西嘅朋友，密切留意！」
阿澤昨日接受《蘋果》訪問，透露組美食團的原因：「因為自從《走佬去馬拉》播出後，好多人打嚟問我嗰度啲嘢食喺邊度，去到住邊度、邊度玩呀，我心諗不如直情搞團帶佢哋去玩啦。」阿澤透露目前正在籌備緊階段，團名將叫做「走佬去馬拉豪食團」：「去食一啲就算連當地人都好難搵到嘅嘢食，同埋畀我搵到個resort成萬呎，連埋後花園有兒童遊樂場，最啱一家大細去玩，會將啲好嘅嘢食運晒去間屋度，間屋又有廚師幫你整番佢。」問到同團如果有小朋友，可會留言言詞用語？阿澤笑謂：「有細路喺度，梗係唔講粗口，我哋呢啲做藝人任性，做生意會好理性。」
採訪：何永寧
長青網 - 一站式長者及護老者生活資訊網站