等食甜品如開籠雀JM約嚴紀雯　婚前解放

【蘋果日報】【爆相爆片】現年30歲嘅文詠珊（Janice Man）宣佈今年10月同拍拖五年、35歲富三代吳啟楠（Carl）喺米蘭Lake Como嘅古堡舉行婚禮，未婚夫仲將婚事全權交由JM作主。雖然唔少準新娘喺婚禮前會喼弗，但對JM嚟講似乎唔適用。日前有《蘋果》讀者王小姐透過「爆相爆片」，直擊JM喺銅鑼灣食甜品，同場仲有仁濟醫院前主席嚴玉麟女兒嚴紀雯。
不停撳手機
王小姐話：「嗰晚10點幾喺銅鑼灣見到佢哋，佢哋一行有三人，本來應該係想堂食，但係舖頭太多人，所以最後決定買外賣。」佢仲話當晚JM戴鴨舌帽，又冇化妝，所以唔係有太多人認得佢，亦可能因為咁，JM就好似開籠雀全程講唔停，其間又低頭不停撳手機，從短片所見，佢撳手機嘅速度的確相當快，唔知係咪同未婚夫報告行蹤。
至於同JM一齊食甜品嘅嚴紀雯，將會喺今個月出嫁，同家族經營建材生意的男友Jeffrey結婚，到時JM仲會為好姊妹擔任伴娘。
長青網 - 一站式長者及護老者生活資訊網站