比高終止配股 股價挫24％

【明報專訊】「星爺」周星馳入主的比高集團（8220），之前雄心萬丈公布進軍中國戲院業，為咗實現一年開12間戲院嘅計劃，比高早前宣布配售5.5億股作為投資項目之資金。不過世事就好似星爺嘅電影咁精彩，小琴真係估佢唔到嘅係，比高噚日宣布終止配股協議，股價仲大瀉24％，唔知抽水唔成會唔會影響星爺進軍戲院業呢？

比高喺通告度話，本來計劃按最大努力基準，以先舊後新方式配售最多5.489億股，佔擴大後股本15.16%，但經公平磋商後，配售協議及認購協議各訂約方同意分別終止配售協議及認購協議。消息公布後，比高股價即刻大跌，昨日收市跌24％，收報0.185元。本來比高諗住用集資所得，作為與中華影業一齊進軍內地戲院業之用，家要終止配股，唔知對比高嘅戲院業大計有咩影響。