匯豐調查：港人退休 僅揸住32萬蚊

【明報專訊】退休就個個都想，因為可以唔使再捱騾仔打工，匯豐最近就做咗個調查，話香港人退休時平均資產只係得31.5萬港元，少得交關。如果以中位數去計，喺亞洲區內只係排第三，新加坡人退休時最有米，但資產折算都只係得71.6萬港元，跟住就係阿聯酋，當地人退休都揸住65.8萬港元資產。

條數咁少，唔知匯豐點統計法，但係結論就梗係話大家要未雨綢繆，早啲幫襯銀行做理財同埋退休計劃啦。

匯豐保險香港董事總經理梁偉邦安話，退休應該攞住幾多錢係因人而異嘅，有人退休後想自由自在環遊世界，有人亦可能想過一般平民化生活，但當然資產愈多愈好啦，所以佢都提小琴早啲做退休計劃呢。