新聞類別
財經
詳情#
【明報專訊】最鍾意搞排名嘅福布斯公布咗2010年中國上市公司CEO薪酬榜，年薪百萬元人民幣以上既CEO首次超過千人，A股市場已經迎來高薪時代。
喺非國企CEO榜單上，平安保險CEO馬明哲以987萬元年薪名列第一，緊隨其後係廣發證券前總經理李建勇同民生銀行行長洪崎。之不過呢，雖然馬明哲年薪接近千萬，但對比起本港上市的中資股CEO嘅年薪就真係相形見絀，響福布斯同日公布嘅香港掛牌中資股CEO薪酬榜上，聯想集團CEO楊元慶以7872萬元年薪排首位，人和商業總裁戴永革以6745萬元次之，馬明哲呢？響此榜單只排19位，同榜首楊元慶既年薪比更相差8倍添。
楊元慶人工是馬明哲8倍
至於A股國企CEO既年薪，排頭係領858萬元年薪既華銳風電總裁韓俊良，中集集團總裁麥伯良以596萬元緊隨其後，招商銀行行長馬蔚華531萬元排第三。眾所周知，國有上市公司CEO領取高薪一直遭社會非議，之但係今次福布斯就幫班國企高層講好說話，話上榜果121位年薪百萬級CEO，所帶領嘅國企去年取得營業額增長率好過非國企公司既表現，咁計法，即係話國企高層高薪更合理啦。
報料電郵﹕[email protected]
留言 (0)
