新聞類別
財經
詳情#
【明報專訊】東亞（0023）半年盈利創新高，「寶哥哥」李國寶化身憤怒鳥！點解？因為之前市場睇淡東亞上半年盈利，噚日終於吐氣揚眉，寶哥哥啖氣谷咗咁耐，噚日當住各大傳媒同埋分析員面前，叫分析員下次出報告時，要返屋企做多啲功課先喎！
「我覺得佢哋應做多啲功課」
市場原先估計東亞上半年倒退4.2%至微升5.2%，又斷言大家唔使旨意佢會為市場帶來驚喜，但昨日公布，東亞上半年純利升近三成。
小琴一見到都打個突，本身仲諗係咪公司鬼鬼祟祟玩財技整靚盤數，點知份業績又真係實牙實齒地靚仔。
寶哥哥噚日當然喜上眉梢，精神仲好好。東亞業績會一向係傳媒同分析員一齊出席嘅，被記者問到券商咁唔睇好，寶哥哥即刻忍唔住爆發：「我係always（成日）覺得我哋嘅股份係undervalue（股值偏低）啦！你最好問analysts（分析員）點解我地咁低，好多analysts認為我哋profit drop（純利跌）呀，其實我覺得佢哋應該做多啲homework（功課）囉！」唔知會唔會係寶哥哥就快退休，出席業績會都寧舍真情流露呢？
留言 (0)
