味千終於道歉

【明報專訊】內地人對於食品安全特別關注，最近因為豬骨湯同埋添加劑事件，搞到畀內地網民圍插嘅味千（0538），雖然一路都強調產品係好安全，但係喺消費者同券商都狂轟佢企業透明度低嘅時候，終於要出嚟講聲「對唔住」，噚日在官網上對廣大消費者帶來困擾道歉。不過，講完道歉，公司仍未交代到底幾時復牌。

味千在洋洋萬字嘅道歉聲明中表示，今後會加強履行企業社會責任，保證生產同經營符合國家法規，要做到誠信經營。味千又再次強調，豬骨湯底係由真嘅豬骨熬製再濃縮而成，保證安全，而添加劑都係符合法規，叫消費者放心食用喎。

由豬骨湯事件開始，味千股價已經一落千丈，仲由上星期五開始停牌至今。由於負面消息沒完沒了，幾間券商都因為味千透明度低而將佢降級，家味千終於出嚟道歉，唔知可唔可以挽救佢疲弱嘅股價呢？