任官興之所至 庭後請毓民歎茶

【明報專訊】立法會議員黃毓民同高院法官任懿君歎茶，究竟可以有乜偈傾？
話說毓民舊年喺「五區公投」之後，向選舉事務處申報選舉經費，因為手民之誤，將捐款獲得18萬元，錯寫成78萬元，於是要向高院申請修改。其實選舉事務處都唔反對，負責嘅法官任懿君都批准咗，點知佢之後突然感慨咁話﹕「之前也有聽其他法官提過，法官唔係高高在上，個個都係凡人，大家應可以加強溝通。」興之所至，仲邀請在庭各方代表，連同噚日亦有出庭嘅毓民，喺法庭職員餐廳歎茶。任官真係性情中人，但係呢餐茶唔知係咪佢埋單呢？