新聞類別
財經
詳情#
【明報專訊】講起阿諾舒華辛力加,小琴第一個印象係細個時睇荷李活電影鉅著《未來戰士》。當然阿諾早已貴為加州州長,但係阿諾嗰種周身肌肉,隨時迫爆隔離嗰種感覺,實在令人好難忘。
小琴心想,好多香港人都會對阿諾大有好感,希望一睹佢風采。而今年香港人就有機會唔使去加州,都可以近佢離親睹阿諾。因為由阿里巴巴(1688)主持一年一度的「網商大會」,將於9月11日喺杭州舉行,而阿諾更會越洋來華,親自擔任「網商大會」的主題演講嘉賓。無論係阿諾嘅影迷,抑或係欣賞阿諾的商界朋友,都可以趁此機會,搭兩粒鐘飛機,便可親睹阿諾的英偉形象。
話時話,阿里巴巴近年搞活動,都請咗好多國猛人,好似有美國前總統克林頓、星巴克咖啡公司首席執行官霍華德舒爾茨、聯想集團董事局主席柳傳志、美國職業籃球聯賽洛杉磯湖人球員高比拜恩等等,真可謂星光熠熠。
回應 (0)
2023年11月26日 15:55